Manuel Bernárdez Filgueira, nado en Vilagarcía de Arousa en 1867 e finado en Montevideo en 1942, foi un xornalista, diplomático e editor uruguaio de orixe galega.
Traxectoria Fillo de Juan Ramón Bernárdez e Dolores Filgueira. Con seis anos abandonou Vilagarcía de Arousa e trasladouse a Arapey, ao norte do Uruguai. Obtivo a nacionalidade uruguaia pouco despois da maioría de idade.
Non foi á escola, formouse na casa. Na infancia escribiu poesía e prosa, publicou o seu primeiro traballo Confidencias a una joven amiga aos dezaoito anos. Nas seguintes tres décadas, traballou en diversas editoriais e periódicos nacionais e internacionais. Casou con Carmen Martínez-Thédy en 1894, con quen tivo catro fillos.
En 1898 converteuse en editor de El Diario en Buenos Aires; despois viaxou ao Brasil e escribiu un libro co título De Buenos Aires al Iguazú. Entre 1904 e 1905, Bernárdez escribiu sobre Arxentina, comentando o seu desenvolvemento económico: Viajes por la República Argentina, La nación en marcha, Jornadas del progreso argentino, hacia las cumbres.
En 1910 trasladouse ao Brasil en calidade de cónsul do Uruguai, e foi ministro do seu país en 1916. Morreu en 1942 en Montevideo.
Obras Claros de luna, 1886. Memorias de campo, 1887. Ave, Maria!. La muerte de Artigas, 1891. El Tratado de la Asunción, 1894. De Buenos Aires al Iguazú, 1901. El Brasil, su vida su trabajo, su futuro: itinerario periodístico, 1908. Aspectos ejemplares de la nueva Bélgica : las grandes patrias chicas : páginas de una memoria, 1928. Política y Moneda, 1931. Tambos y Rodeos.
Véxase tamén Ligazóns externas Obras de Manuel Bernárdez
Categoría:Diplomáticos Categoría:Escritores de Galicia Categoría:Xornalistas de Vilagarcía de Arousa Categoría:Uruguaios de ascendencia galega Categoría:Nados en Vilagarcía de Arousa Categoría:Nados en 1867 Categoría:Finados en 1942 Categoría:Escritores de Galicia coa obra no dominio público