Eduardo García-de Enterría y Martínez-Carande, nado en Ramales de la Victoria (Cantabria) o 27 de abril de 1923 e finado en Madrid o 16 de setembro de 2013, foi un xurista español.
Traxectoria Estudou Dereito na Universidade de Barcelona e licenciouse na Universidade Complutense de Madrid, onde ademais se doutorou. Despois ampliou a súa formación académica en Londres e na Universidade de Thüringen.
En 1947 accedeu a un posto como letrado no Consello de Estado e posteriormente obtivo as cátedras de Dereito administrativo nas Universidades de Valladolid (1957) e Complutense de Madrid (1962). Como xurista participou na redacción de anteproxectos de lei en España e colaborou como experto legal na redacción da Constitución Española de 1978.
Precisamente nese ano entrou a formar parte do Tribunal Europeo de Dereitos Humanos de Estrasburgo como xuíz, e permaneceu no cargo ata 1986. Xubilouse en 1988 e pasou a ser profesor emérito da Complutense e membro do Colegio Libre de Eméritos de Madrid.
Presidiu a Fédération International pour le Droit Européen (FIDE); a Asociación Española para el estudio del Derecho europeo, e pertenceu ao consello académico da Facultade de Dereito da Universidade Harvard. Foi elixido en 1970 académico da Real Academia de Xurisprudencia e Lexislación e en 1994 Académico da Real Academia Española; o seu discurso de ingreso versou sobre os aspectos lingüísticos do Dereito Público europeo trala Revolución Francesa.
Afeccionado á obra literaria de Jorge Luis Borges, escribiu ensaios sobre o escritor arxentino e apoiou asociacións de estudo da súa obra e figura.
Obra Curso de Derecho Administrativo, xunto a Tomás Ramón Fernández Revolución Francesa y Administración contemporánea Legislación delegada, potestad reglamentaria y control judicial Las formas comunitarias de propiedad forestal y su posible proyección futura La administración española La lengua de los derechos La lucha contra las inmunidades del Poder en el Derecho administrativo La batalla por las medidas cautelares Código de las Leyes Administrativas La responsabilidad patrimonial del Estado legislador en el Derecho español Democracia, jueces y control de la Administración La Constitución como norma y el Tribunal Constitucional Los principios de la nueva Ley de Expropiación Forzosa La responsabilidad patrimonial del Estado legislador en el Derecho español Legislación delegada, potestad reglamentaria y control judicial Código de la Unión Europea Las transformaciones de la justicia administrativa Hamlet en Nueva York: autores, obras, paisajes. Escritos literarios (La Esfera de los Libros, Madrid 2008) De montañas y hombres (Colección Austral -Nueva-, Madrid 2001) Fervor de Borges (Ed. Trotta, Madrid 1999)
Fundador e director da Revista Española de Derecho Administrativo desde 1974, tamén colaborou coa Rivista di Diritto Europeo dell'Economia, Yearbook of European Law, Nomos-Praxis des europäschen Rechts, Revue Trimestrielle del Droits de l'Homme, European Review of Public Law, Annuaire lnternational de Justice Constitutionnelle, Estado e Direito ou a Revista Española de Derecho Constitucional
Premios e galardóns
Premio Princesa de Asturias de Ciencias Sociais en 1984. Premio Alexis de Tocqueville do Instituto Europeo de Administración Pública (1999). Premio Internacional Menéndez Pelayo (2006).
Doutorados honoris causa
É doutor honoris causa polas universidades de¨
París-Sorbonne (1977). Zaragoza (1983). Mendoza 1986). Tucumán (Argentina) 19869. Nuevo León (México) 1987). Juárez de Durango (México) 1987). Valladolid (1992). Boloña (1992). Carlos III de Madrid (1993). Cantabria (1995). Externado de Colombia (1995). Oviedo (1996). Santiago de Compostela (1996). Málaga (1999). Buenos Aires (2000). Córdoba (Arxentina), (2001). Universidade do Porto (Portugal), (2009).
Notas
Véxase tamén
Outros artigos Lista de doutores Honoris Causa pola Universidade do Porto
Categoría:Personalidades do dereito Categoría:Premios Princesa de Asturias de Ciencias Sociais Categoría:Académicos da Real Academia Española Categoría:Escritores en lingua castelá Categoría:Escritores de Cantabria Categoría:Doutores honoris causa pola Universidade de Santiago de Compostela Categoría:Nados en 1923 Categoría:Nados en Ramales de la Victoria Categoría:Finados en 2013