Canso (vers) Canzone composta di cinque stanze di dieci versi endecasillabi ciascuna, con schema metrico ABBACCDDEE ABBACCDDEE ABBACCDDEE ecc. con rime tutte maschili o ossitone. La tornada di sei versi ripete le ultime sei rime baciate, mentre i quattro versi dell'endressa le ultime quattro. De far un vers soy eras ben d'acort per fin'amor, pensan del gay saber, quar e subtils, que dona gran plazer als amadors, gaug, solas e deport. E sel que vol d'amor pretz conquistar, en totz sos faytz deu vicis esquivar; aman de cor veray, e gen servir e merceyar si Dons, e'ls bes grazir, sufren los mals, car, en apres afans, ab bon esfortz, pot esser benanans.
Qui vol d'amor avenir a bon port, no vuelha dir a degun son voler, ni desselar so que pot dan tener, que fols parlars soen procura mort; savis es donx qui fug a fol parlar, e fols qui ditz so que s fay a selar; e qui sos joys secretz no sab tenir e mals e bes pessar ab gen cubrir, no sec lo cors que far deu fis amans, que vol, en patz, sufrir los bes e 'ls dans.
[...]
[TORNADA] Mos bels captenhs d'auta valor, ses par, flors de joven, miralhs de fin pretz car, la vostr'amors me fay reiovenir, e 'l dous parlar ab plazent aculhir me tenon gay, flors gentils, agradans, per qu'ieu vos soy fizels, himilians.
[ENDRESSA] Pros coms Gastos, jamay no m vuelh partir de vos lauzar; ans me deu abelir, car vostre pretz sobre totz es montans, comtes e dux, marques ez amirans.
Note
Voci correlate Lista di trovatori e trobairitz
Categoria:Trovatori in lingua occitana Categoria:Trovatori ai Jeux floraux