Ci resta una tenzone con Bernart de Ventadorn.
[Lemozi] Bernart del Ventadorn, del chan vos sui sai vengutz assaillir. Car vos vei estar en cossir non puese mudar q'eu no.us deman qo.us va d'amor avetz en ges? Ben par qe no.us en venga res.
[Bernart] Lemozi, non puese en chantan respondre ni.i sai avenir: mos cors mi vol de dol partir. Bels amics, a Dieu vos coman, qe mort m'a una mala res q'anc non mi vale Dieus ni Merces.
[Lemozi] Bernart, s'anc vos fes bel semblan, enqera.us pot esdevenir. No.s taing q'om ab amor s'azir qan la troba de so[r]n talan: pauc gazagna drutz d'ira ples, qar per un dol n'a dos o tres.
[Bernart] Lemozin, mout fe grant engan la bella qi.m pogr'enreqir, qe, qan mi poc de si aisir, et ella.m tornet en soan. No.i hai conort qi fort no.m pes, car o il es conseil non pres.
[Lemozi] Bernart, totz hom deu aver dan s'a la cocha non sap suffrir, q'amors si vol soven servir; e, si zo tenetz ad afan, tot es perdut s'anc re.us promes, s'i eront plevidas mil fes.
Note
Voci correlate Lista di trovatori e trobairitz
Categoria:Trovatori in lingua occitana