La Val Susa (inscì anca in italian, piemontes e occitan; Vâl Susa in arpitan; Val de Suse in frances) l'è ona vall del Piemont occidental, a ovest de Turin. Geografia La vall, missa giò in sens longitudinal, l'è traversada de la Dora Riparia. A destra del fiumm se troeuven i Alp Cozzi, a sinistra i Alp Graii. I duu affluent principai del fiumm hinn la Dora de Bardonecchia e la Cenischia, che a soa voeulta formen dò vallad important. El mont pussee alt de la val l'è 'l Rocciamelone (3.538 meter). I alter vai laterai de la Val Susa hinn la Vall Argentera, la Val Thuras, la Val Streggia, la Val Clarea, la Val Cenischia. La vall la se troeuva al confin con la Francia: per quest gh'è on fracch de valigh alpin. Situazion lenguistiga La Val Susa l'è puttost interessanta del pont de vista lenguistiga: de fatt l'è on pont indove se incrosen trii lenguagg. In de la bassa val se parla el piemontes (dialett valsusin), menter in de l'alta val gh'è 'l pont de inconter trai parlad occitan (a sud) e trai parlad arpitan (a nord). Per quest la gh'è stada anca ona forta influenza francesa in sù la vall, tant che bona part di comun gh'hann on nomm in la lengua francesa e anzi a volt hinn pussee conossuu con quell puttost che cont el nomm offizial italian (l'è 'l cas de Sestriere, molto pussee conossuu col nomm de Sestrières). Esempi de dialett occitan de la vall Dialett de Giaglione: Ün ómen avè düe bot. E lo pì gióven ha döt a son pare: “Mon pare, donàmme mon dret!”. E lo pare u l'ot partagià-los son béin. Gio 'n trai giort aprè che lo pì gióven u l'ot ajö tutta sa porsión, u l'è allàssenen loin loin, e dedin de paì etrangé: e iziè u l'ot argheirà tut sö ch' u l'avéit, da deibucià. Dialett de Oulx: Ün òmme avìe dus éifans. Le pü sgiuve d'iéllus dì a sun paire: “Paire, dùname la purziùn de ben che me revèn!” e iè lus ha partasgià le ben. Coches sgiurs aprè, aièn tut rebatà, le pü sgiuve garsùn partì par l'éitrangì, par ün paì éilunià, e ilhì u l'ha dissipà sun ben en vivèn lüxüriusmèn. Frances: Un homme avait deux enfants. Et le plus jeune d'eux a dit à son père: “Père, donne-moi la portion des biens que me revient!”. Et il a partagé les biens entre eux. Quelques jours après, ayant ramassé tout, le garçon le plus jeune est parti par un pays bien loin, où il a dissipé ses biens en vivant luxoriousement.
I comun de la vall Comun piemontes Italian Piemontes Almese Almèis Avigliana Vijan-a Buttigliera Alta Butijera Caselette Caslëtte Rosta Rosta Sant'Ambrogio di Torino Sant Ambreus Villar Dora O Villar
Comun arpitan Italian Arpitan Piemontes Frances Borgone Susa Burgun Borgon Bourgon Bruzolo Bërsoel Bruzeul - Bussoleno Busoulin Bussolin Boussolin Caprie Ciavrie Ciavrie - Chianocco Tsanuch Cianòch Chanoux Chiusa di San Michele Kiusa Ciusa San Michel L'Écluse Condove Kundòve Condòve Condoue Gravere Gravere Gravere Gravière Mattie Matiës Màtie - Meana di Susa Meana Mean-a Méans Mompantero Mumpantìa Mompanté Montpantier Moncenisio La Frera Monsnis Montcenis Novalesa Nonalésa Novalèisa Novalaise Rubiana Rubiana Rubian-a Rubiane San Didero Sen Didé San Didé Saint-Didier San Giorio di Susa San Gœri San Gieuri Saint-Joire Sant'Antonino di Susa Sant Antunin Sant Antonin Saint-Antonin Susa Susa Susa Suse Vaie Vàyes Vaje Vaye Venaus Vëno Venaus Venaux Villar Focchiardo Vilar Fuciard Ël Vilé Villar-Fouchard
Comun occitan Italian Occitan Piemontes Frances Bardonecchia Bardonecha Bardonecia Bardonèche Cesana Torinese Cesana Cesan-a - Chiomonte Chaumont Cimon Chaumont Claviere Las Clavieras Clavier Clavières Exilles Exilhas Isiles Exilles Giaglione Dzalhoun Giajon Jaillon Oulx Ors Ols Oulx Salbertrand Salbertrand Salbertrand Salbertrand Sauze di Cesana La Sause de Cesana La Sàuze 'd Cesana - Sauze d'Oulx Lo Grand Sause Sàuze d'Ols - Sestriere Sestrieras Ël Sestrier Sestrières
Vos correlaa Susa Bardonecchia Dialett valsusin Doria Riparia
Categoria:Val Susa