El Carlo Maria Maggi (lombard: Carla Maria Masg; Milan, 3 Magg 1630 – 22 april 1699) l'è stad un famos poeta e autor de comedie in milanes, famos anca per havé inventad el personagg del servidor Meneghin che l'è poeu diventad la mascara pussee popolara del carnaval ambrosian e fin el soranom de tucc i milanes. De sorapù l'è considerad el pader de la leteradura milanesa moderna.
Vita thumb|right|200px|Monument al Carlo Maria Maggi del 1890 in Piazza Mercant a Milan.
Fioeul unegh del Giovann Battista Maggi, asad mercant de or e seda, e de l'Angela Riva, el Carlo Maria Maggi el nass a Milan el 3 masg 1630 in de la cà de Porta Romana, de denanz al monaster del Lentasi. El se laurea in utroque a Bologna in del 1649 e donca, despoeu un quaj viasg in oltre part d'Italia, el se stabiliss definitivament in patria, indova el 14 setember 1656 el sposa l'Anna Maria Monticelli, che la ghe darà vundes fioeui. El viv a Milan infina al 22 avril 1699, serciad su de la stima di concitadin che 'n prezzaven la dotrina e la retituden con la qual el ten i important ofizzi de secretari del Senad, de insegnant de letere latine e greche in di Scoeule Palatine, de curador di confin e de soraintendent a l'Università de Pavia.
Granda fama, in patria e foeura, per i oeuvre leterarie per i quai el gh'ha volt onor e grand lod e l'è stad fad member de tante academie, in tra i quai la Crusca e l'Arcadia. De sgiovin el componn di melodrama, che poeu el refuda (Augusto in Egitto, Bianca di Castiglia, ecc.). El scriv anca prolegh, intermez, zene, La Griselda — tragedia derivada de la novella del Boccaccio — du drama sacher, Teopisto, e Il ritorno d'Azoto — in su la parabola del fioeul prodegh — la Ifigenia derivada de l'Euripide e la Troade derivada del Seneca. Ma de tute i soe produzzion teatrai se regorden specialment i comedie in vers, in di quai un quaj personagg el parla in lombard: Il Mancomale, Il barone di Birbanza, I consigli di Meneghino, Il falso filosofo. Ie compon in di ultem agn de vita. Quei comedie chì hann el merit de render popolara la figura del Meneghin, vegnud poeu la mascara milanesa per ecellenza. El Maggi el compon anca di lireghe in latin, in grech e in spagnoeul, tante in talian, in tra i quai minga poche de soget moral e religios. El comenza con l'indàgh adree al gust del so temp; la soa fama de poeta l'era inscì granda ai so dì, che el Muratori el dubita minga de paragonàll al Dante e al Petrarca. Incoeu el Maggi ghe par versesgiador corret, ma fregg e se 'n regorda squas domà i lireghe ispirategh de l'amor de patria. Pussee vive inn i poesie burlesche, tante di quai in lombard. In prosa el scriv orazzion latine e taliane, letere e la traduzzion del frances de du liber spirituai, i Sentimenti di pietà e Il ritiramento delle dame. A quest ultem el sgionta, coma apendiz, un quaj so Trattenimenti per le dame (Milan 1687).
Oeuvre
El Maggi l'ha scrivud e in talian, e in latin e fin in spagnoeul. In milanes el Maggi l'ha scrivud tante poesie e cinch comedie, con protagonista la mascara de Meneghin Pecenna.
I consili del Meneghin
In del pass de la comedia "I consigli di Meneghino", se ved l'esit "necessitàe" inscambi de "necessitaa", drovad al dì d'incoeu. L'inizzi:
El concors di meneghin In quest pass de la comedia "Il concorso de' meneghini", gh'è una bella difesa del parlà milanes. L'inizzi:
Il barone di Birbanzia
Racconto di una paura dei ladri in casa In de la poesia "Racconto di una paura dei ladri in casa", el Maggi el descriv i efet de havégh i lader in cà. L'inizzi:
Il manco male
Trateniment de l'autor in villa
In de la poesia "Trattenimento dell'autore in villa", el Maggi el conta su una sgiornada intrega passada in campagna. L'inizzi:
Edizzion La catada pussee granda di soe oeuvre l'è quella del Ludovico Antonio Muratori (Milan 1700), che la ciapa denter rime varie, letere familiare e olter scricc. In de l'istess ann se meten foeura a Venezia anca i soe scricciure milanese restampade poeu cont el titol de Commedie e rime in lingua milanese (Milan 1701). In del 1728 se caten su i componiment latin in di Anecdota posthuma miscellanea. Antonio Cipollini, cont un studi in su l'autor (Milan 1900) el da una Scelta di poesie e prose edite e inedite.
Bibliografia Emilio De Marchi, Carlo Maria Maggi, Saggio, Milano 1885 e 1930; Antonio Cipollini, I mss. milanesi e le poesie inedite mondane e sacre di Carlo Maria Maggi, Milano 1895; Antonio Cipollini, Carlo Maria Maggi e le Consulte inedite, Milano 1899; Federico Barbieri, Le rime e le commedie meneghine di Carlo Maria Maggi, Milano 1917; Luigi Medici e Gian Antonio Maggi, Carlo Maria Maggi, Milano 1930.
Circolo Filologico Milanese, Carlo Maria Maggi e la Milano di fine '600, Milano, Di Baio Editore, 1999. ISBN 88-7080-679-0.
Interproget lmo.Wikisource Inviandole un fiasco di cedro L'Autore ad una sua figlia Scusandosi colla figlia Trattenimento dell'autore in villa
Ligam de foeura Carlo Maria Maggi, in su Treccani.it – Enciclopedie on line, Istitut de l'Enciclopedia Italiana.
Riferiment
Maggi, Carlo Maria Categoria:Poeta lombard Categoria:Autor in lombard Categoria:Nassud in del 1630 Categoria:Mort in del 1699