Malva sylvestris (cunusìda col nòm popolàr de màlva) l'è 'na spéce de piànta erbàcea che fà part de la famìa botànica de le Malvaceae. L'è 'na spéce che se tróa facilmènt en töta Europa dré ai sentér e 'ndèi teré tat chèi cultiàcc come chèi mìa cultiàcc.
Descrisiù L'è 'na piànta perène erbàcea o apéna 'n pó lignùza a la base, che pöl rià 'nfìna ai du méter de altèsa. De sòlet la g'ha portamènt bèl drit, co ramificasiù. El gamp el pöl véser peluzèt o mìa. Las fòie i è palmatìfide, alterne e col gambì.
La fiorés en primaéra 'nfìna a metà istàt. I fiùr i è reünicc a la sèa de le fòie, i g'ha culùr ròza/pórpora e venadüre piö scüre. Pétali a du lòbi. I è ermafrudìcc e i mizüra dei 2 ai 6 ghèi de diàmetro. El pereànse l'è pentàmer. I fiùr i se sèra quan che vé sà séra e quan che fà bröt tép per protèger el pòlen. La pulinizasiù l'è perlopiö entomògama, ma la pöl pò a 'mpolenas de per sò cönt. El fröt l'è un poliachénio circolar.
Sinònim Althaea godronii Alef. Althaea mauritiana Alef. Malva ambigua Guss. Malva erecta C.Presl in J.Presl & C. Presl Malva erevaniana Takht. Malva hirsuta C. Presl Malva hirsuta auct. , non Aubl. nec Ten. Malva grossheimii Iljin Malva longelobata Sennen Malva longepedunculata Sennen Malva mauritiana L. Malva polymorpha Guss. Malva sylvestris subsp. ambigua (Guss.) P.Fourn. Malva sylvestris subsp. erecta (C. Presl)Nyman Malva sylvestris subsp. mauritiana (L.) Cout. Malva sylvestris var. mauritiana (L.) Boiss. Malva sylvestris subsp. vivianiana (Rouy) P. Fourn. Malva tomentella C. Presl Malva vivianiana RouyThe Plant ListThe Euro+Medit PlantBase
Galerìa
Riferimèncc
Categoria:Malvaceae