Fenestraria l'è 'n zèner monotìpich (l'ünica spéce l'è F. rhopalophylla) de piànte suculènte che fà part de la famìa de le Aizoaceae.
Descrisiù L'è 'na piànta che de spès la se tróa töta quarciàda zó de sàbia e le sò fòie trasparènte le permèt che ghe rìe lùce asé per fà la fotosìntezi. F. rhopalophylla l'è uriginària de la Namibia e del Namaqualand, en Sudafrica. La crès en teré sabiùs en zòne endóche piöf poch fés (100 mm de àiva a l'an de média).
Per aspèt e comportamènt la se 'nsomèa fés a Frithia pulchra, ma i fiùr de la Fenestraria i è zalcc envéce chèi de la Frithia i è ròza co la part piö centràla bianca. Gh'è diferènsa apò a 'ndèla fùrma de la finèstra trasparènta 'nsìma a la fòia, endela Fenestraria l'è piö definìda e regolàra che nó 'ndela Frithia. Pò a l'habitat l'è diferènt, la Fenestraria la crès en ambièncc piö sèch, la F. pulchra la crès en ambiéncc endoche piöf bé 'n istàt. left|250px|thumb|El fiùr zalt de la F. rhopalophylla
Tasonomìa L'ünica spéce de chèsto zèner l'è dividìda en dò sotaspéci en PlantList: F. rhopalophylla subsp. rhopalophylla F. rhopalophylla subsp. aurantiaca (=*F. aurantiaca)
Riferimèncc
Categoria:Aizoaceae