Ganímede l'è giü dei satèliti galileià (o medìcei) del pianéta Giove. L'è 'l piö grànt dei satèliti che gìra 'ntùren ai pianéti del nòst Sistema Solar e come dimensiù l'è piö grant apò a del pianéta Mercurio aisebé che 'l g'hape apéna el 45% de la sò màsa.
El gìra entùren al sò pianéta a 1,07 miliù de chilòmetri de distànsa sönden òrbita quàze circolàr en resunànsa co Europa e Io. A ògna gir del Ganimede, Europa el fà du gir e Io el na fà quàter.
L'è stat scuprìt endel 1610 ensèma coi óter satèliti medìcei del Galileo Galilei.
Par che Ganimede el sàpe cumpunìt de presapóch 'na quantità compàgna de préde silìcee e de gias de àiva. L'è 'n còrp del töt diferensiàt conden nùcleo lìquit con tat fèr e con océani intèrni che i pödarès contègner piö tàta àiva de chèla che gh'è 'n töcc i océani de la tèra mitìcc ensèma.
De le oservasiù fàde co le sónde spasiàle par che la superfìce la sàpe fàda de dò formasiù principàle. Le regiù scüre, che le quàrcia zó en tèrs del pianeta, piéne de cratér de impat e datàde 'nfìna a quàter miliàrdi de agn e le regiù piö ciàre, töte streersàde de canài e custulù che se 'ncrùza, póch piö zùina de l'ótra.
thumb|center|La risunànsa orbitàla de Ganimede, Europa e Io.
Riferimèncc
Categoria:Satelit del Sistema Solar Categoria:Astronomia