La bella la va al fosso l'è ona canzon popolar de l'area setentrional, forsi tra i pussee cognossuu de la tradizzion lombarda.
In tra i sò caratteristegh pussee corios e famos a gh'è el ritornell, che l'è 'l crid d'on ortolan che 'l vosa ravanei, remolazz, barbabietol e spinazz, trii palanch al mazz.
El test Compagn de tanti olter canzon de la tradizzion popolar, anca quella chì la gh'ha vari version. Chì de sotta en mettom vuna de quest, contegnuda dent a l'antologia "Milanese" cantada del Nanni Svampa.
La bella la va al fosso ravanei, remolazz, barbabietol e spinazz, trii palanch al mazz! La bella la va al fosso, al fosso a resentà, oh, al fosso a resentà.
Intant che la resenta a gh'è cascaa l'anell.
La svalza gli occhi al cielo la vide il ciel seren.
La sbassa gli occhi all'onda, la vide un pescator.
"Oh pescator dell'onda, pescatemi l'anell!
e quan' l'avrai pescato un regalo ti farò:
Andrem lassù sui monti sui monti a far l'amor". Categoria:Canzon in lombard