L'Alvernia-Ròden-Alp (Frances: Auvergne-Rhône-Alpes; Occitan: Auvèrnhe Ròse Aups; Arpitàn: Ôvèrgne-Rôno-Ârpes) l'è vuna dij 13 region de la Francia. La popolazion total de la region l'è de 7.757.595 abitànt (dato del 2013) distribuii in su 'n d'on area de 69.711 km², per ona densità de 111 ab./km². El sò capploeugh l'è Lion, che l'è anca el comun pussee grand. Alter citaa important hinn Saint-Étienne, Grenoble, Villeurbanne, Clermont-Ferrand e Valence. L'è vuna dij region pussee ricch de l'Euròpa, insema cont la Lombardia, el Baden-Württemberg e la Catalògna.
Geografia L'Alvernia-Ròden-Alp el confina cont i region de Provenza-Alp-Còsta Azura, Lingoadòca-Rossejon-Midi-Pyrénées, la Borgògna-Franca Contea, la Noeuva-Aquitania, el Canton Ginevra, el Canton Vaud, el Canton Vales, la Val d'Aòsta e'l Piemont. L'è traversaa del fiumm Ròden traj montagn che gh'hinn dent el gh'è anca el Mont Bianch, la montagna pussee òlta de tuta l'Europa.
El Ròden-Alp el gh'hà vòtt departement: Ain, con capploeugh Bourg-en-Bresse Allier, con capploeugh Moulins Ardèche, con capploeugh Privas Cantal, con capploeugh Aurillac Drôme, con capploeugh Valence Isère, con capploeugh Grenoble Lòira, con capploeugh Saint-Étienne Haute-Loire, con capploeugh Le Puy-en-Velay Puy-de-Dôme, con capploeugh Clermont-Ferrand Ròdan, con capploeugh Lion (Patrimòni Mondial de l'UNESCO) Savòja, con capploeugh Chambéry, giamò capital del Ducaa de Savòja Alta Savòja, con capploeugh Annecy