El pan cont la nilza (in sicilian, pani câ meusa, che 'l se legg pani c'a miévusa, cont el slongament de la sillaba "ie") a l'è ona specialidaa siciliana de la cittaa de Palermo. Chel piatt chì a l'è vun di pussee famos mangià de strada sicilian.
Preparazión Chel piatt chì, tradizional domà de Palermo, el consist in on pagnòtta moresina (che la se ciama vastedda), cont el sesamo de sora, che la vegn impienida de tòcch de nilza e coradella de vedell. La nilza e la coradella vegnen prima buii e poeu, depós che a hinn staa tajaa-giò a tocchei, soffrigiuu in del strutt. Dent el panin el pò vess mettuu-denter el caciocavallo grattaa putost che la mascarpa o anca el limon putost che 'l pever.
A Palermo, l'omm che de mestee fà-sù i pan cont la nilza el se ciama meusaru.
Nòt e alter progett
Categoria:Fogasc Categoria:Friture Categoria:Mangià de strada Categoria:Panin