miniatura|drita|El stemma del Marchesaa, compagn de quell de Milan El Marchesaa de Carevasg l'è staa on feudo governaa de 'n ram de la fameja Sforza che 'l vegnia dal Lodovigh el Moro. El primm Marches de Carevasg l'è staa el Giovann Paol I Sforza. L'è staa in pee dal 1529 al 1796, quand che l'è soppress del Napoleon.
Oltra a Carevasg, in del Marchesaa gh'eren dent anca i località de Masan, Vidalengh - incoeu frazion de Carevasg midemm - e i contee de Lacciarella, Galiaa e Castegg.
El Staterell, anca se piscininn, el gh'ha avuu 'n bell influss in su la storia lombarda de l'epoca: Mittuu a mità in tra i domini milanes, poeu spagnoeui e poeu austriegh, i sò marches gh'even el mero et mixto imperio, cioè in sostanza l'autonomia ministrativa, durant del governa di Marches a l'è staa faa sù el Palazz de la Marchesa e 'l Santuari de Carevasg e l'è vissuu el pittor Michelangelo Merisi, nassuu a Milan di gent de Carevasg.
Marches Giovann Paol I (1529 - 1535) Muzio I (1535 - 1553) Franzesch I (1553 - 1580) Muzio II (1580 - 1622) Giovann Paol II (1622 - 1630) Muzio III (1630 - 1637) Franzesch II (1637 - 1680) Francesch III (1680 - 1697) Bianca Maria I (1697 - 1717) Bianca Maria II (1717 - 1783) Bianca Maria III (1783 - 1797)
Bibliografia