I Tram ATM 600 a hinn di tram desviluppaa per sostituì i Tram Edison in sui lign milanes con pussee de traffigh intorna a la prima guera mondial. A l'è restada in servizzi dal 1924 al 1967 in 129 vettur. Al di d'incoeu domà la vettura 609 la circola in allestiment storich, e i alter hinn staa reciclaa.
Storia Fondaa in sui tram sperimentai de la ATM faa in tra el 1917-1918, hinn staa faa su pocch dopo de la guerra. I eren numeraa da 601 a 729.
In del 1929 4 unità a hinn staa daa a la STEL per la tranvia Milan-Monscia, e hinn tornaa in del 1956 a Milan.
In origin bidirezionai, a hinn staa voltaa in monodirezionai in tra el 1932 e 'l 1936. In del 1934 10 unità hinn brusaa in d'on foeugh, e hinn staa recostruii cont ona cassa metalliga comé el Tram Vintott.
Longh la segonda guerra mondial ona quaj unità a l'è confiscada di todesch e di alter a hinn danegiaa, e hinn recostruii in la serie 700. Ona quaj vettura inveci a l'è convertida in articolaa 4000.
In del 1967 a hinn radiaa e demolii, e in del 1984 l'unità 700 a l'è reconvertida in 600 cont el numer 609, vettura stòrica.
Bibliografia
Francesco Ogliari, Milano in tram. Storia del trasporto pubblico milanese, Milano, Hoepli, 2010, ISBN 978-88-203-4562-4, pp. 210-211.
Alter progett
Vos corelaa Tram ATM 700
600