L'Elettrotreno CZ 480 a l'è la version del Stadler FLIRT doperada de l'operator cecch LEO Express dal 2012.
Storia In del 2010 a l'è nonziaa che LEO Express l'avaria crompaa 5 elettrotreni de la Stadler Rail per la tratta Praga - Ostrava.
In del 2012 a hinn consegnaa i primm treni, faa su in Polònia e in Ongheria. El cost total di cinch treni a l'è staa de 1,5 miliard de coronn cecch. El 24 de marz 2012 a hinn presentaa al publich al circuitt ferroviari de proeuva de Velim.
Tecnega El gh'ha 5 carrozz e 'l 90% del pianal rebassaa. Gh'è tre toalett, de che vuna attrezzada per i disabil, cont sistema de nettada automatich.
Quatter carrozz a hinn de class econòmica, con 212 pòst confort cont di tavolitt pieghevoi con spazzi per laptop, e i post per i handicappaa.
'Na carrozza a l'è attrezzada per la class business, cont 19 sedij reclinabij e tavolin e per la premium, fada se ses post, fisicament separaa, che se pòden reclinà elettricament anca per dormigh e cont poggiacoo miôraa e support lombar.
El gh'ha on sistema digital per avvisà i passegee.
Galleria di foto
Riferiment Stadler hands over first Leo Express emu Elektrické jednotky na našich kolejích: řada 480 Class Description - LEO Express Leo Express - na železnici přichází další konkurence Na české tratě chce další dopravce: Rapid Express a Regio
Vos corelaa Stadler FLIRT Railjet
Alter progett
Categoria:Treni de la Stadler CZ 480