L'automotris SNFT ALn 668-120 a l'è on'automotris ordenada in del 1979 in ses esemplar de la Società Nazionale Ferrovie e Tramvie per la ferrovia Bressa-Isee-Edol e dal 1993 in del parch rotabil di Ferrovij Nord Milan.
Storia
La SNFT la gh'eva l'esigenza de sostituì i ALn 56, di agn '30, voramai vegg, e han ordinaa a la FIAT dò automotris derivaa di ALn 668.1000 di FS, entraa in servizzi el 18 de febrar 1980 e immatricolaa 121 e 122.
In del 1983 n'hinn ordinaa alter 4, ispiraa a la tecnega de quej de prima e cont la cassa del modell 3100, entraa in servizzi el 8 de november del midemm ann, immatricolaa 123-126.
Cont la liquidazion de la società del 1993 a entren in del parch di FNM.
In del 1992 l'unità 123 a l'è retirada dopo de on incident con ona SNFT ALn 668-140 a Bornaa, ancaa lee demolida.
In del 2016 a l'éra previst el retir, ma hinn doperaa per i visit a The Floating Piers e la 122 e la 126 a hinn pintaa in livrea Trenord.
L'unità 121 a l'è ancamò in livrea storica e l'è parcheggiada a Isee insemma a la 125, che la gh'ha on cediment de la struttura, e la 124.
Tecnega I primm du esemplar derivaven del modell 1000 di FS, cont ona potenza pussee granda e 'na velocità massima de 95 km/h e l'intercomunicant a cancellett inveci che a soffiett. A l'éra staa giontaa el dispositiv vigilant e se podeven cobbià in tra de lor.
I àlter quatter esemplar doperaven i soluzion tecnegh di àlter du ma hinn staa faa su cont la cassa del modell FS 3100.
Livrej
In principi gh'even la livrea giald de Mart cont i finestritt beige. Dal 1987 a l'è stada mittuda 'na modifega che la giontava a l'imperial el giald e 'l metteva la fascia ai port.
Dal 2000 i Ferrovij Nord han mittuu la soa livrea, fondada in su 'l verd e 'l bianch e di element bloeu.
In del 2008, in su richiesta de la Provincia de Bressa, ciappen 'na noeuva livrea bianca cont la zona di finestrin azzurra e dal 2016 i unità 122 e 126 a hinn mittuu in livrea Trenord.
Galleria di foto
Bibliografia
Vos corelaa Automotris FS ALn 668 Automotris SNFT ALn 668-130 Automotris SNFT ALn 668-140 Lista del material motor de la Società Nazionale Ferrovie e Tramvie
Alter progett
668-120