El Vocabolario dei dialetti della città e diocesi di Como a l'è vun di dizzionari storegh del lombard, publicaa in del 1845 de l'abaa comasch Peder Mont (1794-1856). El vocabolari
Nassuu in su l'esempi del vocabolari milanes del Franzesch Cherubin (publicaa in quatter volumm in del 1839-1843), in del lavor de l'abaa Mont se ghe gionta on interess per la glottologia e a la teoria del sostratt. De fatti, el Mont el ciappa i paroll del comasch (e de olter zonn de la diocesi: soratutt la Valtolina e i vai del Tesin) e 'l je mett in relazzion cont i paroll di lengov celtegh, anca se despess i etimologii hinn minga giust. Inoltra, in apendis el presenta ona lista de dodes version de la Parabola del Fioeu Trason voltaa in vari dialett del territori diocesan comasch: Semogh (frazzion de Val de Dint) Tej Bosaggia Montagna Pos'ciav Livign i Tre Piev Valmasgia Leventina Val de Bregn Val Verzasca Comm. Per el sò interess anca per i dialett di vai, a l'è vun di primm basei per la dialettologia tesinesa. Ligamm de foeura El test intregh C