El Treno G.A.I. a l'è on elettrotreno a quatter element faa su a partì dal 1974 e doperaa dal 1978 e faa su del consorzi Gruppo Aziende Italiane 'me capostipit di elettrotreni e automotris ad azionament elettronegh.
Storia In di agn settanta, cont el volzàss del traffich pendolar, a l'è staa necessari potenzià la capacità e i lign e doperà di noeuv treni, vist che quej vègg despess eren di treni per di àlter servizzi adattaa. In del 1974 el nass el GAI, per fà su on treno adatt per i brev e medi distanza bon de viaggià, in prospettiva, anca a l'ester.
In del 1978 la scomincia la consegna, che la finiss in del 1981. In del 2007 a hinn accantonaa tucc.
Caratteristich El treno a l'éra faa su de dò motris ai estremm e de dò remorciaa in mezz, el tutt intercomunicant e bloccaa. I treni doperaven l'elettronega e eren faa per podè adattà l'ingress a tucc i marciapee di FS.
A l'era disponibil in version a du vestiboi (ALe 644) e a trii vestiboi (ALe 804). La version a trii vestiboi la permetteva on incarrozzament pussee svelt ma la cavava via 64 post.
Bibliografia
Giovanni Cornolò, Automotrici elettriche dalle origini al 1983, Duegi Editrice, 2011 (ristampa del 1983), pp. 262–272.
Vos corelaa Automotris FS ALe 724
Alter progett
G.A.I