L'automotris FS ALe 724 a l'è 'n automotris elettrega a azionament elettronegh fàda su a la fin di agn '70 per el traffich suburban e pendolar. La gh'ha domà 'na gabina de guida perchè pensada per viaggià permanentement cobbiada in dò o pussee unità, de solit faa de 'na motris, 'na carrozza semipilota o 'na motris e in mezz di eventuai remorciaa.
Desdott a hinn staa crompaa di Ferrovij Nord Milan e immatricolaa in di automotris FNM E.750.
Storia In di agn settanta a l'éra necessari renoeuvà i treni per el servizzi suburban e pendolar, soratutt di automotris. L'esperienza del treno G.A.I. ad azionament elettronegh l'ha daa di bon resultaa che l'ha menaa i FS a ordenà 60 treni de quatter element: 30 faa de dò motris ALe 724 e de dò remorciaa intermedi Le 884 e i alter cont domà 'na motris e 'na carrozza semipilota Le 724 al post de la segonda motris.
El 14 de ottober 1982 a l'è consegnada la prima motris e in del 1983 entren in servizzi per la prima voeulta in su la metropolitana FS de Napoli per poeu spantegàss anca in di àlter Region.
Al 2016 la pupart di motris a l'è accandonada e quej doperaa a hinn in Piemont e in Campania, indova hinn doperaa insemma ai moderni Jazz per di servizzi locai e di riserva.
Cont el rivà di noeuv Pop el gh'aveva de vess tolt via in la primavera del 2021, ma a causa de la pandemia de COVID-19, inscì de permett de fà pussee de treni, a l'è tegnuu finna a la fin de l'emergenza.
Caratteristich I caratteristich innovativ a hinn la cassa in liga lingera, el contròll de potenza elettronegh e 'l fren a recuver de energia cont dissipazion a reostat.
L'è dotaa de 'n sistema de aggancc automategh che 'l permett de fà a la svèlta tucc i cobbiament necessari.
Galleria di foto
Bibliografia
Giovanni Cornolò, Automotrici elettriche dalle origini al 1983, Duegi Editrice, 2012 (ristampa del 1983), pp. 272–284.
Vos corelaa Treno G.A.I.
Alter progett
724