El Simone Tomassini (Vertemaa cont Minoeubra, 11 de magg 1974) a l'è 'n cantautor italian.
Biografìa El Simone Tomassini el firma el sò primm contràtt discografich con la Bollicine, la storica etichètta del Vasco Rossi, per via del Enrico Rovelli che ghe se vesìna al Simone e ne diventa el sò maneggión. El debùss al Festival de Sanremo 2004 cont È stato tanto tempo fa. In de l'istèss ann el partecipa in trii appontamént del Festivalbar cont Il mondo che non c'è. Ancasì el derva tutt i concèrt del Buoni o cattivi Tour 2004 del Vasco Rossi, e 'l ghe scriv insèma Giorni, che 'l dàa el titól del sò primm album, donca el ghe dà l'inviada al Giorni Tour. In del 2005, in di studi dela Bollicine, el registra el sò secónd album Buon viaggio. El partecipa a la secónda edizión de Music Farm, indoe che 'l se classifica tèrz in d'ona gara indoe che a se desfiden 11 cantant famos. El 27 de magg 2005 el sortìss el secónd album del Simone, Buon viaggio, tiràa adrèe de Quando sei ragazzo. El ven adrèe el Buon viaggio Tour. In del stèss temp el derva ancamò i dat del Buoni o cattivi Tour 2005, el partecipa dò volt al Festivalbar 2005, al Tim Tour 2005 e a svariàa avveniment organizzàa di principai red radiofònich. Poeu l'è miss foeura el DVD Simone Live 05 Alcatraz Milano.
In del magg 2006, con la produziòn artistica e i arrangiamént del Vince Tempera, el mett foeura el sò tèrz album, Sesso gioia rock'n roll. Intratant la canzòn Fuori come un balcone l'è catada foeura dal Jerry Calà come colòna sonòra musicàl del sò film Vita Smeralda. Per i primm trii album el s'è firmàa domà come Simone.
In del magg 2007 el va foeura Niente da perdere, A settember del stèss ann el Vasco Rossi a 'l le ciama anmò, 'sta vòlta come ospìt del sò tour.
In del dicember 2008 el va foeura Va tutto bene.
Ancasì, in del stèss ann el partecipa insèma a la Nazionàl italiana cantant, indoe che 'l cantà Uno su mille, La canzone del sole, La forza della vita e Si può dare di più, brani doperàa in operaziòn benefìch.
Dòpo trii anni de la pubblicaziòn de Niente da perdere, in del november 2010 el va foeura el singòl Ho scritto una canzone.
El 29 del april 2011 la comenza la trasmissión radiofonica del singól Caduta libera, che la ven prima de la pubblicaziòn del quart album Simone Tomassini, prevedùda per el 11 de maggio 2011. In de l'istèss dì el taca el Sempre In Tour. In del stèss mes a l'è anca autór del brano Sei amore cantàa del Paolo Meneguzzi.
El 11 de magg 2011 el va foeura el quart album officiàl autoprodòtt Simone Tomassini. El 26 de giugn el va foeura, domà in la versiòn digitàl e per el mercàa de lengua spagneoula, l'album De Ti, che gh'è denter domà i canzòn in spagnoeù presentàa in del album vegnùu prima, e ancasì la versiòn unplugged de De Ti.
El 10 de november 2011 l'è stà miss foeura el sò primm liber con titòl Confessioni... di un pazzo mìss foeura de Rupe Mutevole. El 8 de dicember el va foeura Happy Xmas - War is Over, tributt al John Lennon.
In del 2012 el Tomassini el s'è miss adrèe con el Sempre in tour. El 8 de dicembre el mett foeura il siìgol Spero davvero. El sìngol La Ferrari è lei, miss foeura el 29 de marz e 'l riva a pussee de 'n milión de visualizzaziòn in sul YouTube.
Cont el sò amis Paolo Meneguzzi, in del 2015 l'è protagonista d'on concèrt per i bagaj divérsament abil dela Rosa Blu, e in quella causa chi a ghe stà denter divèrsi ann e ancasì in del 2013 el registra dal viv arènt la Palèstra de la sò struttura Anffas a Gràndola. L'album, distribuìi come CD e scaregamént digital, l'è fa anca su de Imagine e Knockin' on Heaven's Door, indoe el Simone Tomassini el canta insèma ai bagaj dela RSD Band, grupp musical miss in pée in del center RSD Anffas Residence di Gràndola fàa su de persònn diversamént abil.
El 8 de dicember 2015, a distanza de 11 anni del sò debutt, el Simone el torna de noeuv cont el sìngol Solo cose belle, che 'l ven prima del album Felice, publicàa in del marz del 2016. El 25 de magg del 2018 el Simone el mett foeura insema al Paolo Meneguzzi el singòl “Estate Rock & Roll” (Etichetta Latlantide), ona canzón dedicàda al cinquantenari del Sessantòtt. El 27 del settember 2019 el mett foeura, per l'etichètta Cello Label, el noeuv singól “OVUNQUE”, scrivùu e prodòtt insèmma a l'Emiliano Bassi (Max Pezzali, Laura Pausini, Ermal Meta, Ultimo e altri) e a l'Andrea Bonomo (giamò autór de Nek, Loredana Bertè, Marco Mengoni e alter). Adsedèss l’artista a l'è in studi de registrazión per la produzión de brani inedit che i andarànn a fà su el sò noeuv disco futùr.
Discografia
Album in studi
2004 - Giorni 2005 - Buon viaggio 2006 - Sesso gioia rock'n roll 2011 - Simone Tomassini 2016 - Felice
EP
2011 - De ti
Live
2010 - Simone live Alcatraz 05
Sìngoj
1998 - I love you 1998 - Mano nella mano 2004 - È stato tanto tempo fa 2004 - Il mondo che non c'è 2004 - Giorni 2004 - Ci sarà il sole 2005 - Quando sei ragazzo 2005 - Fatto di cartone 2005 - Abito lei 2006 - Non piangere mai 2006 - Fuori come un balcone 2006 - Scuola della vita 2007 - Niente da perdere 2008 - Va tutto bene 2010 - Ho scritto una canzone 2011 - Caduta libera 2011 - Il momento 2011 - Happy Xmas (War Is Over) 2012 - Barcollo ma non mollo 2012 - Spero davvero 2013 - La Ferrari è lei 2015 - Solo cose belle 2016 - Sapere che ci sei 2016 - Che sorriso che hai 2018 - Estate rock’n’roll cont el Paolo Meneguzzi 2019 - Ovunque 2020 - Quando tutto finiràhttps://www.youtube.com/watch?v=QUttWIwmT6whttps://www.espansionetv.it/2020/03/25/video-quando-tutto-finira-simone-tomassini-canta-un-messaggio-di-speranza/ 2020 - Cuando Todo Se Termine - col Paolo Meneguzzi 2020 - Charlot (con Kiera Chaplin) 2020 - Quante volte ti sei perso (live in Argentina) 2021 - Origami https://www.ondamusicale.it/musica/22679-simone-tomassini-lavitalamore-e-l-essenza-del-perche-siamo-al-mondo/ 2021 - Non mi sono perso niente https://www.youtube.com/watch?v=nG2_-vfmgSg
Video
2005 - Simone Live 05 Alcatraz Milano
Canzòn scrivùd per alter
2005 - Mi mancherai del Dennis Fantina 2011 - Sei amore del Paolo Meneguzzi sscrivùu cont el Meneguzzi 2013 - Zero del Paolo Meneguzzi scrivùu cont el Meneguzzi
Liber
Referenz
Alter progètt
Ligamm de foeura Sitt offizial
Categoria:Cantant italian Categoria:Nassiment minga cognossud