L'elettrotreno ZB ABeh 150 a l'è 'n elettrotreno de la Zentralbahn bon de andà in sui tratt a aderenza natural e a cremaliera, faa su de la Stadler Rail e ciamaa "Adler".
Storia 'sti treni hinn staa ordenaa in del 2009 per i tratt InterRegio in tra Lucerna e Interlaken. Hinn i treni a scartament metrich i pussee curt mai faa de la Stadler e hinn entraa in servizzi in del 2012, per sostituì i vegg treni con la locomotiva in del 2013.
In del 2019 hinn ordenaa àlter du per sostituì i treni pendolar per la linia per Engelberg che gh'hann pu la carrozza bistrot ma gh'hann ona carrozza multifonzional e che sarann consegnaa in del 2022.
Costruzion I treni a hinn formaa de dò mezz treni, boni de girà indeperlor, in trii carrozz, cont in mezz ona carrozza bistrot - in di noeuv costruzion 'na carrozza multifonzional. Hinn dotaa de ampi finestritt panoramich, de aria condizionada, porta-schi e porta-bici.
Hinn boni de fonzionà anca in di tratt a cremaliera grazia a 'n sistema separaa di roeud, inscì de evità i slittament.
'Sti tréni hinn staa ciappaa a esempi di àlter ferrovij a scartament metrich de la Svizzera ocidentala, che han ricevuu di carrozz compagn e anca di treni complett, per esempi l'Elettrotreno BOB ABDeh 8/8, di Ferrovij de l'Oberland Bernes.
Bibliografia Bernhard Studer: Vögel auf schmaler Spur. In: eisenbahn-magazin. Nr. 4, 2013, S. 26–29. Vos corelaa Elettrotreno ZB ABeh 160/161
Alter progett
Categoria:Eletrotreni