La Berberis del Thumberg (Berberis thunbergii) o berberis rossa, a l’è ona specie de pianta che la fà i fior, de la famiglia di Berberidaceae, originaria del Giappon e de l’Asia orientàl, ancabén la sia spategada in natura anca in Cina e America del nòrd. La ven granda in altèzza fin a 1 m e larga fin a 2,5 m; a l’è on pìccol arbùst caducifoeuj con di foeuj verd che tenden al ross in autùn, di frutt ross sberlusént in autun e di fior giald pàllid in primavera. Ona fila de cultivar l'è disponìbil 'me di piant ornamentàj per fa su di sces.
Descrizion La Berberis thunbergii la gh’hà di ramm scannellàd, marrón, spinós , con di spin di vòlt in deperlór, di volt in grupp de trèe (che in realtà hinn di foeuj svilupàa ‘me spin) a ògni noeud . I foeuj gh'hànn on colór infra el verd e ‘l bloeu-verd (ross o vieoula in ‘na quàj cultivàr), piscinìtt, de forma ovàl o compagna de ‘na spatola, longh 12-24 mm e largh 3-15 mm; a hinn piazzàa in di grupp de 2-6 unitàa e hinn taccàa in del 'istèss pòst indoe i spin hinn taccàa al ramm. I fior hinn giald pallid, de 5-8 mm de diameter, prodòtt in grappèj che penden , organizzàa in di grupp de 2-5 longh 1-1,5 cm de la forma de ‘n’ ombrèlla; la fiorida la succéd de la metà de la primavera al prencippi de l’estaa. I frutt commestìbil hinn de colór infra el ross lùster sberlusént e ‘l ross-arancion, in forma de borlin ovàl longh 7–10mm e largh 4–7mm, e gh’hànn dent ona ùnega somenza. Vegnen madùr in del cors de la tarda estaa e de l’autun e persisten in del cors de l’invèrna.
Reconossiment Di vòlt la specie la ven confonduda con la Berberis canadensis (berberis americana), Berberis vulgaris (berberis comune), e alter speci de Berberis caducifoeuj; la pò vèss reconossùda per i so fior miss in forma de ombrèlla, e nò del tipo a grappèll. Michigan Department of Natural Resources: "Invasive Species—Best Control Practices, Japanese barberry."
Cultivazion La Berberis thunbergii l’è coltivada spantegada ‘me ‘na pianta d’ornamènt, sia in Giappon sia in di alter part temperàa de l’emisfero. N’hinn stàa scernìi foeura divèrsi cultivar con di colór che vann del giald al ross scur al violètt oppùr con di foeuj varìd (doperàd in del giardinagg a fa su di sces e de grandèzza nana.
Varietà pussée conossùd:
B. thunbergii 'Fireball' B. thunbergii 'Maria' B. thunbergii f. atropurpurea 'Admiration' B. thunbergii f. atropurpurea 'Atropurpurea Nana' B. thunbergii f. atropurpurea 'Concorde' B. thunbergii f. atropurpurea 'Dart's Red Lady' B. thunbergii f. atropurpurea 'Golden Ring' B. thunbergii f. atropurpurea 'Harlequin' B. thunbergii f. atropurpurea 'Rose Glow'
Galleria d'immagin
Riferiment
Ligamm de foeura
US National Park Service: Berberis thunbergii (el tratta la specie ‘me invasora) Native Wildlife Garden (in sul malattia del Lyme in relazion cont i Berberis) Species Profile - Japanese Barberry (Berberis thunbergii). Center nazionàl di informazion in sui speci invasór, Bibliotècca nazionàl de l’agricoltura di Stat Unii. Invasive Species—Best Control Practices, Japanese barberry Dipartiment di risorsi naturàj del Michigan.
Categoria:Berberidaceae