Mantua o Mantoa (inscì anca in emilian e latin; Mantova in italian; Mantoue in frances; Màntua in catalan e ocitan) l'è ona cità de la Lombardia de 49 308 abitant, capital de la provinza cont el nom compagn.
Situada in sul Menz, l'è stada fondada in del ann 2000 prima de Crist; pussee tard l'è stada on vilagg etrusch: in cost’epoca chì l’ha catad el nom del dio Mantus. I Roman l’han ocupada in de la prima e ind la segonda guera punega, e el famos poeta Virsgili l'è nassud arent a la cità.
Ind i temp del Rinasiment Mantua l'era governada de i Gonzaga, e, on quai secol inanz, de i Austriegh.
Napoleon l'ha havud de combater vot mes per conquistàlla in del 1796; poeu Mantua l'è entrada a fà part de la republega Cisalpina (formada de l'union de la republega Transpadana cont la republega Cispadana), del Regn d'Italia sota Napoleon e del regn Lombard-Venet. A la fin de la Terza guera d’independenza, in del 1866, Mantua l'è entrada a fà part del regn d'Italia sota di Savoja.
Mantua l'è stada nomenada "capital italiana de la cultura del 2016" e l'è anca vun di patrimoni de l'umanità de l'UNESCO.
Simboi
Evoluzzion demografega
L'andana del nœumer de abitant ind el comun de Mantua l'è monstrad ind la tabella chì debass.
Riferiment
Categoria:Provincia de Mantoa Categoria:Mantova Categoria:Patrimoni de l'Umanità in Italia Categoria:Patrimoni de l'Umanità in la Lombardofonia