La strada statal 337 de la Vall Vigezz a l'è una strada statal italiana de proprietà de l'ANAS, che la percorr la vall omonema cont un'altituden massema de poch pussee de 800 meter in sul nivell del mar.
Carateristeghe A l'è per intregh 'na strada extraurbana segondaria, con limit de velocità de 50 km/h in di aree urbane e de 70 km/h in di zone extraurbane. A l'era fina al 1958 una strada provincial, la numer 70 de la provincia de Noara, cont el nom de "de la Vall Vigezz e di Cent Vaj", in quell ann lì la passa a la gestion statal.
Percors
La strada la scomincia a Masera, indova che la sortiss de la SS33 del Sempion, poch lontan de la periferia de Dom, e la passa poeu per i center de Trontan, Dravégn, Santa Maria, Malesch e Re, indova che se riva al confin de Stat con la Svizzera de Pont Ribellasca.
De Malesch a l'è possibel ciapà la SS631 per rivà, dopo de 'n percors de 25 km pien de curve, a Canobi e in sul Lagh Magior. In tra Masera e Dravégn a gh'è 'na galleria noeuva, longa circa 1,6 km, che la sbassa el temp de percorrenza e la vegia trata, che la passa per el center de Trontan, a l'è stada classifegada 'me Noeuva Strada ANAS 357.
Riferiment Ducument de l'ANAS
Alter proget
337