La Comunità de Madrid (Comunidad de Madrid in spagnoeul) a l'è vuna di derset comunità autonome de la Spagna, classifegada 'me 'n "autonomia de interess nazzional" desgià che la representa Madrid, capital del Stat.
Considerada tradizzionalment part de la Casteja, del 1983 l'è la soa comunità autonoma, per via di gran diferenze economeghe cont el rest de la region e i necessità de havégh denter la capital nazzional.
La comunità la confina cont i province de Ávila e Segovia de la Casteja e Leon e cont i province de Guadalajara, Toledo e Cuenca de la Casteja-La Mancia, e la gh'ha 6'661'949 abitant in d'un'area de 8'080,21 km². La mità la viv in la capital, con di alter center con pussee de 100'000 abitant che inn Móstoles, Alcalá de Henares, Fuenlabrada, Leganés, Getafe, Alcorcón, Torrejón de Ardoz, Parla e Alcobendas. In total gh'è 179 comun e gh'è anca la partizzion in comarche, che però inn no ben definide e varien per cas: forestai, sanitarie, agricole, turisteghe e istoreghe.
Ligam de foeura Sit ofizzial
Alter proget