L'Ada Lauzi (Milan, 7 de masg 1928 - 22 de setember 2024) a l'è stada una poetessa italiana, che l'ha scrivud in dialet milanes.Poesie
Biografia Nassuda a Milan, i so sgent eren de la Lombardia ma no de la cità, ma la resta orfena de mam quand che la gh'haveva du agnAda Lauzi - Milanesiabella: la imprend el dialet meneghin in di cà de ringhera e la se svesina prest a la poesia milanesa, cont el lensger la literadura lombarda del '300 e inanz, e la se ispira soratut al Carlo Porta e al Luis Medegh e con l'andà al Circol Filologegh Milanes per fà pussee bon el so savè de metrega.
Del 1983 al 2009 l'ha fad, in su la Radio Meneghina, una trasmission dedicada al milanes, indova che se lensgeven poesie, proverbi e roba compagna e se daven lezzion de gramatega.
L'è morta el 22 de setember e gh'hann fad l'obet in la Gesa del Rosari.
Poesia La soa poesia l'ha tratad vari tema, e l'ha fad anca di traduzzion de alter oeuvere in la lengua del Porta, per esempi l'ha voltad l'Infinito del Giacomo Leopardi. A l'è stada retegnuda una gran poetessa del milanes, e de lee el Claudio Beretta el diseva che la mostrava la soa natura e la soa storia personal, senza mai bandonà quell che l'è.
Riferiment
Categoria:Nassud in del 1928 Categoria:Poeta italian Categoria:Mort in del 2024 Categoria:Autor in lombard