El Musee Poldi Pezzoli a l'è un musee de Milan fad su in del testament del Gian Giacomo Poldi Pezzoli che, mort del 1879, l'haveva lassad la soa cà e i so oeuvere d'art a 'na fondazzion che i havaria gestid in perpetov, fondazzion che poeu la sarà fada su 'me ent moral del 1907 con Regio Decret.
El gh'ha sed in del palazz Moriggia Della Porta, crompad poeu di Poldi Pezzoli, propi arent a la Scala: el sarà dannegiad di bombe de la segonda guerra mondial che destrughen l'arredament original, ma i piture eren stade mitude in salv.
Part del circuit di cà musee de Milan, el gh'ha dent oeuvere de autor tant 'me el Giovann Bellin, el Cima de Conejan, el Francesco Hayez, el Lorenz Lot, el Bernardin Luin, l'Andrea Mantegna, el Piero della Francesca, el Rafaell Sanzi, l'Andreja Soree, el Palma el Vegg, el Sandro Botticelli, el Canalet, el Vissenz Fopa e 'l Fra Galgario.
Ligam de foeura Sit ofizzial
Alter proget
Poldi Pezzoli