El Musee de storia de la psichiatria a l'è vun di musee civegh de Resg che 'l gh'ha dent una collezzion, scominciada del Carlo Livi, de roba ciapada de l'ospedal psichiatregh San Lazer de la cità.
El gh'ha sed in del vegg pavion Cesare Lombroso, fad su del 1891 per tegnìgh denter i malad cronegh calmi, e del 1904 ghe meten un mur per internàgh dent i soget pericolos a nivell social: la dedica a l'antropolegh criminal la riva del 1909 e 'l sarà bandonad del 1972 e con la lesg Basaglia l'è trad sgiò el mur, roba che la destruga vari grafit che incoeu inn guarnad in fotografia.
El nucli del musee l'è stad fad su 'me "Musee di robe antighe" del 1874 del Livi, con l'onda positivista che la menava i ospedai a mostrà i so usadei, e l'è stad anca el creator de la cranioteca: del 1977 gh'è stada la proposta de fà su un musee de la psichiatria in del vegg pavion e del 1980 gh'è una prima mostra, besognarà spetà el 2011 per la vertura definitiva.
In la collezzion gh'è strument de conteniment, de cura e de reabilitazzion e de studi sientifegh.
Ligam de foeura Sit ofizzial
Alter proget
Storia