El Josip Smodlaka (Imotski, 9 de november del 1869 – Spalato, 31 de masg del 1956) l'è stad un politegh, diplomategh e scritor croat.
Biografia Nassud a Imotski, del 1887 el de siploma al licee ginnasi de Spalato e del 1893 el se laurea in giurisprudenza a Graz: tornad in patria el lavora 'me avocat e 'l se svesina al Partid di Dirit e 'l ciapa consens cont el vesser vun di anzian del Sokol.
A l'è elesgiud del Parlament dalmata del 1901 al 1909 e l'è stad un sostenidor del "noeuv cors" che 'l voleva meter insema i territori croat sota la corona de l'Austria e a una pas social in tra croat, serb e italian. Del 1905 el fa su el Partid Democrategh Croat e 'l giornal Sloboda, e 'l lassa in polemica con l'Ante Trumbić el so vegg partid.
Del 1909 el visita i comunità croate del Molis e a Acquaviva Collecroce el fa su una biblioteca slava.
A l'è elesgiud del 1910 al Parlament imperial e ghe resta fina a la toma de l'Imperi: el toeu part a la creazzion del Regn di Serb, Croat e Sloven e 'l se met contra el dà Fium e Zara a l'Italia: l'insubiss un sbozz de costituzzion jugoslava fondad in su di principi federaista e insì de tegnìll lontan de la politega el governo el manda 'me diplomategh in Vatican, a Berlin e a Madrid.
El denonzia el metés dent al Pat Tripartid del 1941 e ghe va dent a la Resistenza jugoslava del 1943, a sgiontàss ai rangh del ZAVNOH e de l'AVNOJ e 'l toeu part a la scritura de l'accordo di Lissa 'me comissari di afar forester del Comitad Nazzional per la Liberazzion de la Jugoslavia.
El representa la Jugoslavia in la Comission liada per l'Italia e 'l mostra gran interess a la demarcazzion del confin in tra i du Stat: tra 'l 1945 e 'll 1946 el fa una visita secreta a Roma per provà a rivà a un acord, soratut in sul status de Triest, ma se ghe riva no.
Riferiment
Alter proget
Categoria:Nassud in del 1869 Categoria:Mort in del 1956 Categoria:Scritor croat Categoria:Politegh jugoslav Categoria:Diplomategh jugoslav