Нано Ружин (Скопје, ) — македонски политичар, дипломат, универзитетски професор и поранешен амбасадор на Македонија во НАТО.
Животопис Ружин е роден во Скопје на 31 јули 1952 година на родители Глигор и Стана. Неговото семејство потекнува од Валандово. Основно и средно училиште завршил во Скопје, факултет завршил во 1975 година во Белград. Политички науки, со претходна подготовка на пост-дипломските и докторските студии 1980-1983 завршил на иститутот за политички науки во Париз, додека магистрирал во 1982 година во Загреб на насока Политички науки, за подоцна да има одбрана на докторска теза Правен факултет во Скопје во 1986 година. Од 1976 до 1978 година работел во ОКССММ, а од 1984 до 1987 во СЗБНОВМ. Од 1988 станал професор на Филозофски факултет во Скопје. Тука бил сè до 2001 година кога станал амбасадор на Македонија во НАТО. Во 2007 година успешно лобирал за Македонија да биде домаќин на министерскиот состанок на НАТО наречен Безбедносен Форум-Охрид јуни 2007. Од 2008 повторно е професор на Филозофскиот факултет во Скопје. Воп два наврата бил пратеник во Македонското Собрание (1994-1998; и 1998-2001). Бил и член на Парламентот во НАТО (1995-2001). Рунин е основач на неколку невладини организации, како Евро-атлантскиот клуб на Македонија во 1991 г.;Европско движење на Македонија; ЏЕФ на РМ; ЕСМС итн. Во Брисел бил избран за амбасадор на годината за 2007 година од страна на МНР на Белгија и списанието Дипломатски Новости. На македонските претседателски избори во 2009 година, Ружин бил кандидат на ЛДП и во првиот круг освоил 40.042 гласови (4,06 %), што не било доволно да влезе во вториот круг.
Библиографија Ружин е автор на 15 разновиди книги и учебници и преку 300 разновидни тестови објавени во Македонија и во странство. Автор и соработник на повеќе книги и изданија од областа на општествената политика, меѓународните односи како и односите на Македонија со евроатлантските установи.
Наводи
Категорија:Македонски универзитетски професори Категорија:Македонски дипломати Категорија:Политичари од Скопје Категорија:Македонски публицисти Категорија:Амбасадори на Македонија во НАТО Категорија:Пратенички состав 1994-1998 Категорија:Пратенички состав 1998-2002 Категорија:Политичари од ЛДП Категорија:Носители на Легијата на честа Категорија:Луѓе со потекло од Валандово Категорија:Добитници на наградата „Гоце Делчев“