Жил Ренар ( – ) — француски писател и член на академијата Гонкур, најпознат по својата автобиографска новела Глава од морков и мемоарот Дневник, 1887–1910, кој се вбројува во 100 книги на векот според Ле Монд. Делата на Ренар се одликуваат со ликови кои се прецизно и иронично опишани. Бил поддржувач на пацифизмот и антиклерикализмот.
Животопис Син на Франсоа Ренар и Ана Роуз Колин, Жил е роден во Шалон ди Мен, во департманот Мајен, каде неговиот татко работел во изградбата на железница. Пораснал во Шитри ле Мин. Имал две постари сестри и постар брат. Најстарата Амели (р. 1858) починала млада, другата сестра која исто така се викала Амели е родена 1859, а братот Морис е роден 1862. Своето детство Ренар го опишал како тешко и тажно, што го раскажал во автобиографското дело Глава од морков, каде главен лик е црвенокосо дете кое пораснало со мајка која го мразела и татко кој не се грижел за него. Иако не запишал факултет, посветено читал литература. Во периодот 1885–86 служел војска во Бурж.
На 22 април 1888 се оженил со Мари Морно, со која 43 години живееле во Париз. Почнал да посетува книжевни клубови и да пишува во париските весници. Често се дружел со драматургот Алфред Капо и глумецот Лисјен Гитри. Ренар пишувал поеми, кратки раскази, драми, и романи. Бил избран за градоначалник на општината Шитри на 15 мај 1904 како кандидат на социјалистичката партија. Починал од атеросклероза во мај 1910 во Париз.
Дела
Романи Crime de village (1888) Sourires pincés (1890) L'Écornifleur (1892) La Lanterne sourde (1893) Coquecigrues (1893) Deux Fables sans morale (1893) Le Coureur de filles (1894) Histoires naturelles (1894) Poil de carotte (1894), Le Vigneron dans sa vigne (1894) La Maîtresse (1896) Bucoliques (1898) Les Philippe (1907) Patrie (1907) Mots d'écrit (1908) Ragotte (1909) Nos Frères farouches (1909) Causeries (1910) L'Œil clair (1913) Les Cloportes (1919)
Драми La Demande (1895) Le Plaisir de rompre (1897) Le Pain de ménage (1898) Poil de carotte (1900) Monsieur Vernet (1903) La Bigote (1909) Huit Jours à la campagne (1912)
Наводи
Надворешни врски
Жил Ренар на Енциклопедија Британика Биографија на Жил Ренар Биографија о библиографија на Жил Ренар
Категорија:Француски писатели