Сент Џорџ Џинџерланд (англиски: Saint George Gingerland) е парохија во југоисточните делови на островот Невис во државата Свети Кристофер и Невис. Според проценките за 2001 година, парохијата имала население од 2.500 жители.
Географија Името „Џинџерланд“ на македонски би се превело како „земја на ѓумбир“ (ginger е англиски збор за ѓумбир, land е земја). Името е поврзано со одгледувањето на ѓумбир во оваа парохија во минатото.
Административен центар на оваа парохија е Маркет Шоп, а покрај ова село во парохијата се наоѓаат и други села, како на пример Чикен Стоун, Зетландс и Зион.
Оваа парохија е една од најнаселените во Невис бидејќи има плодна почва и поволна клима. Парохијата се наоѓа на заветрената страна на островот. Селата во оваа парохија имаат поладна клима бидејќи се на повисоко за разлика од крајбрежните населени места.
Џинџерланд е главен снабдувач на свежо овошје и зеленчук за Невис. Фармите се мали и посевите се во зависност од потребите на населението. Покрај тоа, населението се занимава и со сточарство, првенствено одгледување овци, кози, прасиња, крави и коњи. Во крајбрежните предели значајна стопанска гранка е риболовството.
За целокупната парохиска економија значајна улога игра и туризмот.
Наводи Ordnance Survey, Government of the United Kingdom, 1984, Nevis, with part of St. Christopher (Saint Kitts). Series E803 (D.O.S. 343), Sheet Nevis, Edition 5 O.S.D. 1984. Reprinted in 1995, published by the Government of the United Kingdom (Ordnance Survey) for the Government of Saint Christopher (St. Kitts) and Nevis. Robinson, Davin & Jennifer Lowery (Editors), 2000. The natural history of the island of Nevis. Nevis Historical and Conservation Society Press, Ithaca, New York.
Поврзано Невис Парохии во Свети Кристофер и Невис
Категорија:Парохии во Свети Кристофер и Невис Категорија:Невис