Madaya (arabisk مضايا) er ein liten fjellandsby i Syria, 1400 meter over havet. Han er ein kjend feriestad. Han ligg kring 40 km nordvest for Damaskus i Rif Dimashq guvernement ved Baradasjøen. Madaya får ofte snø om vinteren.
Skildring Staden er kjend for det friske kjeldevatnet, fersk frukt og grønsaker og friskt klima. Somrane er tørre og kjølige og mange rike syrarar har ferieheimar i området. Staden har ein stor marknad (souq).
Historie Det er gjort funn av romerske graveringar og lekamar i åsane søraust for landsbyen. Madaya var ofte ein stad der opprørar mot styresmaktene søkte tilflukt. Det er sagt at under den islamske erobringa av Syria så var armeen til Khalid Ibn Alwaleed avhengig av hjelparar frå Madaya for å føre armeen hans til Ba'lbak etter Homs og Damaskus fall. I nyare tid, under det franske mandatet i Syria, søkte opprørarar frå Damaskus og andre stader tilflukt i landsbyen. I 1926 blei landsbyen totalt rasert av ein fransk kommandant for å skulla ha hjelpt opprørarar.
Under den syriske borgarkrigen som braut ut i 2011 blei Madaya omleira i juli 2015 av regjeringsvennlege styrkar og den allierte libanesiske militsen Hizbollah. I desember 2015 meldte Legar utan grenser at 23 menneske hadde døydd av svolt der etter at ein total blokade hadde stoppa all mat og humanitær hjelp frå å nå byen sidan 18. oktober.
Etter protestar frå SN og fleire hjelpeorganisasjonar klarte SN å forhandla fram ein avtale mellom dei syriske styresmaktene og opprørarane som heldt byen, og det blei leverte naudhjelp til byen 11. januar 2016. 14. april 2017 blei våpenkvileavtalen frå Zabadani i 2015 innført, og 60 bussar transporterte 2 350 menneske, blant dei 400 opprørarar, frå Madaya og Zabadani til Idlib.
Kjelder
Denne artikkelen bygger på «Madaya, Syria» frå , den 4. juli 2014. oppgav desse kjeldene:
Kategori:Busetnader i Al-Zabadani-distriktet Kategori:Byar i Syria