Nikkelin er eit metallisk, lyst koparraudt mineral, eit nikkelarsenid, NiAs. Det krystalliserer heksagonalt med same struktur som pyrrhotitt. Det finst på einskilde sølv- og koboltførande malmgangar og saman med pyrrhotitt og chalkopyritt i noritter eller malmar som stammar frå norittar. Det kan vere ein viktig nikkelerts (Natsume i Japan; Sudbury i Canada). I Noreg er det kjent i små mengder frå førekomstar ved Arendal, Kragerø, Kongsberg og Råna i Ballangen.
Mineralet er òg kjent som raudnikkelkis, koparnikkel, nickelin, nikkolitt eller niccolitt.
Nikkelin er handelsnamnet for koparlegeringar.
Kjelder Nikkelin. (14. februar 2009). I Store norske leksikon. Henta 14. februar 2014 frå http://snl.no/nikkelin.
kategori:Nikkelmineral kategori:Arsenidemineral kategori:Heksagonale mineral