Labweh er ein landsby som ligg 950 meter over havet ved foten av Anti-Libanonfjella i Baalbek distrikt i Libanon.
Historie
Labweh har vore busett sidan yngre steinalder, sidan minst det 7. tusenåret fvt. Ein trur at egyptarane kalla staden Lab'u, assyrarane Laba'u og hebrearane Lebo-hamath. Dette har vore knytt til Hamath som er nemnt i Kongebøkene og Ezekielboka som den nordlege grensa til territoriet til kong Salomo. Labweh tyder på assyrisk «hjarte» eller «senter», men det er òg føreslått at det kjem frå arabisk for «løve» eller «løvinne». Det er gjort fleire arkeologiske funn i landsbyen, som tre gamle grotter med romerske-bysantinske sarkofagar og ruinane av eit tempel. Det finst òg ruinar av ein bysantinsk bastion og ein romersk dam, som kan ha kome frå regjeringstida til dronning Zenobia. I følgje ei segn vart kanalane gravne ut i berget for å sende vatn til landområda hennar i Palmyra i Syria.Ba'albeck - Al-Hermal, Bekaa - Tourist Brochure
Labweh-kjeldene og elva
Landsbyen ligg på ein ås 26 km nordaust for Baalbek, som har gjeve namn til Labwehkjeldene og elva Labweh, som er ei av kjeldene til Orontes. Labwehelva renn kring 20 km gjennom ein steinete ørken, og fell så ned i ein innsjø og ei breiare elv til ein annan landsby kalla Er-Ras, som vert rekna som kjelda til Orontes. Denne flyt vidare nordaustover.Sir. William Smith, LLD, Ed. Dictionary of Greek and Roman Geography (1854)
Romersk tempel Det ligg ruinar av eit romersk tempel i landsbyen, som er ein del av templa i Beqaadalen. Berre ei blokk av den vestlege muren står att i dag. I moderne tid er det bygd eit hus inne i tempelet. Det ligg kring 20 tempel mellom Labweh og Ain el-Baid.
Kjelder
Denne artikkelen bygger på «Labweh» frå , den 22. september 2014. oppgav desse kjeldene: Kirkbride, Diana., Early Byblos and the Bakaa, Volume 45 (Pages 43–60), Mélanges de l'Université Saint-Joseph (Beirut Libanon), 1969. Copeland, Lorraine and Westcombe, Peter., Inventory of steinalderen Sites i Libanon Part 2: North - South - East Central Libanon Volume 42 (Pages 1–174) Mélanges de l'Université Saint-Joseph (Beirut Libanon), 1966.
Bakgrunnsstoff Lebwe tempel on www.lebanon.com
Kategori:Busetnader i Baalbek distrikt Kategori:Arkeologiske stader i Libanon Kategori:Fønikiske byar Kategori:Fønikiske stader i Libanon Kategori:Romerske koloniar Kategori:Byar i antikken Kategori:Busetnader grunnlagde i det 7. tusenåret fvt. Kategori:Romerske tempel Kategori:Romerske stader i Libanon Kategori:Turistmål i Libanon