Kfar Uria (hebraisk כְּפַר אוּרִיָּה) er ein moshav sentralt i Israel. Han ligg nær Beit Shemesh i Shephelah. Han høyrer til Mateh Yehuda regionale kommune. I 2012 hadde han eit folketal på 855.
Historie Landsbyen vart først grunnlagd i 1912 på landområde kjøpt frå Białystok-jødar, og tente som ein jordbruksskule. Blant innbyggjarane var A.D. Gordon. Under Palestinaopprøra i 1929 gjekk arabarar frå Jerusalem til åtak på Kfar Uria, med noko lokal hjelp, og plyndra og brende ned landsbyen. Innbyggjarane i dei nærliggande arabiske landsbyane hadde stort sett eit godt forhold til innbyggjarane i landsbyen, og mange såg på leiaren av moshaven, Baruch Yakimovsky, som sin mukhtar (landsbyhøvding).
Seks jødiske familiar som hadde vore att, vart seinare smugla ut av mukhtaren i Beit Far via ein av dei gamle naturlege grottene som ligg i området. Yakimovsky klarte, med hjelp av somme lokale mukhtarar, å arbeidde opp att landområdet i Kfar Uria, og i 1944 var landsbyen bygd opp att, berre for å bli øydelagd i den arabisk-israelske krigen i 1948. Kfar Uria vart angripen 11. januar, 1948, men klarte ved hjelp av ein Palmach-styrke og ein væpna britisk styrke å slå åtaket attende.Benvenisti, 2001, s. 107Morris, 200, s. 102 Haganah-vaktar drap utan provokasjon eit arabisk bondepar nær landsbyen kort tid etter, i februar det året.Morris, s. 80. I 1949 prøvde ein for tredje gongen å busetje område, då ein moshav vart grunnlagd på staden.
I sentrum av landsbyen ligg ein gammal khan, som ein gong husa jordbrukselevane, inkludert A.D. Gordon.
I 2009 - 2011 vart det bygd eit nytt nabolag med 69 nye hus og familiar.
Kjelder
Denne artikkelen bygger på «Kfar Uria» frå , den 12. oktober 2014. oppgav desse kjeldene: Benvenisti, Meron, Maxine Kaufman-Lacusta (translator) (2001), Sacred Landscape: The Buried Historie of the Holy Land Since 1948, ISBN 0-520-23422-7
Bakgrunnsstoff
Kategori:Moshavar Kategori:Busetnader grunnlagde i 1912 Kategori:Busetnader grunnlagde i 1944 Kategori:Busetnader grunnlagde i 1949 Kategori:Busetnader i Jerusalem distrikt Kategori:1949 i Israel Kategori:1944 i Palestina Kategori:1912 i Det osmanske riket