Juan Manuel Santos Calderón () er ein colombiansk journalist, økonom og konservativ politikar som har vore president i Colombia sidan august 2010. Han representerer Partido Social de Unidad Nacional («det sosiale partiet for nasjonal eining», også kalla Partido de la U eller «U-partiet»), som Santos er ein av grunnleggjarane og leiarane av.
Santos blei vald til å vera president i landet frå 7. august 2010 til 7. august 2014 etter å ha sigra over motkandidaten Antanas Mockus i det nasjonale presidentvalget i 2010. Under presidentvalget i 2014 blei han gjenvald for fire nye år, etter å ha sigra over Óscar Iván Zúñiga (CD) i andre valgrunde.
Juan Manuel Santos har tidlegare vore forsvarsminister i Colombia. Han var då involvert i fleire politiske skandalar, som ein intervensjon i Ecuador mot FARC-geriljaen). Han har også vore minister for finans og offentleg kreditt.
Santos kjem frå ein velståande og svært tradisjonell colombiansk familie. Grandonkelen hans Eduardo Santos var den 20. presidenten i landet frå 1938 til 1942, medan fetteren Francisco Santos Calderón var visepresident under Álvaro Uribe.
Santos vart tildelt Nobels fredspris i 2016.https://www.theguardian.com/world/live/2016/oct/07/nobel-peace-prize-2016-announcement-live
Kjelder Denne artikkelen bygger på «Juan Manuel Santos» frå , den 26. desember 2014.
Kategori:Colombianske presidentar Kategori:Folk frå Bogotá Kategori:Vinnarar av Nobels fredspris Kategori:Colombianske nobelprisvinnarar