«On Broadway» er ein song skriven av Barry Mann og Cynthia Weil i samarbeid med Jerry Leiber og Mike Stoller.
Komposisjon Weil og Mann var baserte ved Aldon Music, på 1650 Broadway i New York City, og songen, slik han vart skriven av Mann/Weil vart opphavleg spelt inn av the Cookies (sjølv om the Crystals gav ut sin versjon før dei) og hadde ein livleg tekst der songaren er på veg til Broadway og syng «I got to get there soon, or I'll just die.»
Då Leiber/Stoller gjorde det kjend at the Drifters hadde leigd studio for dagen etter og mangla ein song, kom Mann/Weil med «On Broadway». Leiber og Stoller likte songen, men følte han ikkje var heilt rett og dei fire sette seg ned og kom opp med ein betre versjon av songen. Ein ung Phil Spector spelte den særeigne gitarsoloen på innspelinga til The Drifters.Mick Brown. Tearing Down the Wall of Sound, p.96 Andre som var medverkande på the Drifters innspelinga var Joe Newman, Ernie Royal - trompetar; Billy Butler, Bill Suyker, Everette Barksdale - gitarar; Russ Savakus - bass; Gary Chester - trommer og Phil Kraus, Nick Rodriguez, Martin Grupp - perkusjon. Det instrumentale arrangementet vart skriven av Gary Sherman.
Versjonar Songen vart ein hitt for the Drifters i 1963, som nådde niandeplassen på Billboard Hot 100. Han har sidan blitt spelt inn av mange andre artistar, som the Coasters, the Dave Clark Five, the Chipettes, Bobby Darin, Percy Faith, Tom Jones, Johnny Mathis, Frank Sinatra, Nancy Sinatra og Neil Young.
George Benson sin versjon av «On Broadway» frå albumet Weekend in L.A. i 1978, nådde sjuandeplassen på Billboard Hot 100 og andreplassen på soullsita. George Benson-versjonen vart mykje spelt på radiokanalar innan adult contemporary og smooth jazz. Han vann Grammy-prisen for beste R&B-song. Songen vart nytta i filmane Big Business og American Beauty.
Den britiske progrockgruppa Genesis refererte til songen i teksten og melodien på songen «The Lamb Lies Down on Broadway» frå albumet The Lamb Lies Down on Broadway i 1974.
Kjelder Denne artikkelen bygger på «On Broadway» frå , den 27. januar 2015. oppgav desse kjeldene:
Bakgrunnsstoff
Kategori:Songar frå 1963 Kategori:Singlar frå 1963 Kategori:Songar skrivne av Barry Mann Kategori:Songar skrivne av Jerry Leiber og Mike Stoller Kategori:The Drifters-songar Kategori:The Coasters-songar Kategori:The Dave Clark Five-songar Kategori:Eric Carmen-songar Kategori:Bobby Darin-songar Kategori:Percy Faith-songar Kategori:Tom Jones-songar Kategori:Johnny Mathis-songar Kategori:James Taylor-songar Kategori:Gary Numan-songar Kategori:Frank Sinatra-songar Kategori:Nancy Sinatra-songar Kategori:Sly and the Family Stone-songar Kategori:Neil Young-songar Kategori:Atlantic Records-singlar Kategori:Songar om New York Kategori:Songar med tekst av Cynthia Weil