Jon Engly Lie () var ein norsk politikar frå Vennesla. Han var innvald på Stortinget for Arbeidarpartiet frå Vest-Agder i tida 1973–1985.
Lie, som var son til ein skiftformann, gjekk i tømrarlære 1937–40 og tok sveinebrev i 1945. Han arbeidde som tømrar frå 1938 til 1952. Deretter var han tømmeroppmålar ved Aust- og Vest-Agders målekontor fram til 1973, då han fekk plass på Stortinget.
Lie var medlem av Vennesla kommunestyre 1952–73, ordførar frå 1.1.1960 til ut 1973. Som ordførar var han også medlem av fylkestinget i Vest-Agder.
Alle tolv åra på Stortinget var Lie medlem i Samferdslekomiteen, frå 1977 i tillegg medlem i Valkomiteen, samt frå 1981 også medlem i Fullmaktskomiteen.
Kjelder Stortinget.no Biografi
Kategori:Stortingsrepresentantar 1973-1977 Kategori:Stortingsrepresentantar 1977-1981 Kategori:Stortingsrepresentantar 1981-1985 Kategori:Stortingsrepresentantar for Vest-Agder Kategori:Stortingsrepresentantar frå Ap Kategori:Folk frå Vennesla