Johannes Olsson Fossmark () var ein norsk gardbrukar og hardingfelespelar frå Bruvik i Hordaland.
Fossmark kjøpte farsgarden, bruksnummer 5 på Fossmark, av jordeigarane i 1831. Han dreiv garden til dess eldste sonen tok over i 1864. «Johannes var med i heradstyret og møtte som representant for Bruvik sokn i formannskapet i Haus. Han var med og førte dei vanskelege tingingane med dei private eigarane av Bruvikkyrkja i 1860-åra.»http://www.vaksdalhistorielag.org/wiki/index.php?title=Gnr._19_Fossmark
Felespelaren Fossmark lærte av vossingen Isak Rokne, som hadde lært mange slåttar av Myllarguten. Mellom dei som lærde av Fossmark var Ola Mosafinn og Lars Helgeland. Fossmark var i si tid rekna for ein av dei beste felespelarane i landet. Han spela fleire gonger for Ole Bull. Ein springar Mosafinn lærde av Fossmark, kalla han for Fossmarken.
Notar og kjelder
Norsk Allkunnebok. IV. bandet. 1953.
Bakgrunnsstoff Årbok 1998 for Vaksdal Historielag
Kategori:Norske gardbrukarar frå 1800-talet Kategori:Norske folkemusikarar Kategori:Folk frå Vaksdal