mini|Waldorfsalat Waldorfsalat er ein salatrett som typisk blir laga med eple, selleri og valnøtt, blanda med majones og eventuelt krem og servert på salatblad. Andre vanlege ingrediensar er kokt potet, ananas, druer, kylling- eller kalkunkjøt og eventuelt tørka frukt, kål og anna.
Waldorfsalaten vart laga for fyrste gong i 1896 på hotell Waldorf (seinare Waldorf-Astoria) i New York av kjøkkensjef Oskar Tschirky.The History of WALDORF SALAD, kitchenproject.com
Det er vanleg å bruka syrleg eple i salaten, som Granny Smith. I moderne utgåver av salaten kan ein bruka yoghurt (eventuelt rømme eller crème fraîche) som dressing i staden for majones/krem.
Waldorfsalat er med si sur-søte samansetjing populær til kalde og varme kyllingrettar, andre steikte og kokte kjøtrettar, til røykt skinke og til rettar av fugl. I Noreg vert waldorfsalat ofte brukt som tilbehøyr til julemat, men han er òg veleigna til lett, rask sommarmat.
Sjå òg fruktsalat potetsalat
Bakgrunnsstoff
Oppskrift på waldorfsalat på matnyttig.no Oppskrifter (engelsk) ved waldorfsalad.org
Kjelder
Kategori:Julemat Kategori:Salatar Kategori:USA-amerikansk mat Kategori:Fruktretter