Joseph Barthel, kjend som Josy Barthel, () var ein friidrettsutøvar og politikar frå Luxembourg som vart olympisk meister på 1500 meter under Sommar-OL 1952 i Helsinki.
Idrett Barthels vann gullmedalja på 800 meter under militær-VM i Berlin i 1947. Året etter, då militær-VM vart arrangert i Brussel, vann han både 800 og 1500 meter. Under Sommar-OL 1948 i London kom Barthel på niandeplass i finalen på 1500 meter. Han vann 1500 m i student-VM 1949 og 1951, samt 800 m i 1951.
Høgdepunktet for Barthel kom under dei olympiske sommarleikane i Helsinki 26. juli 1952: med ein fabelaktig sterk spurt braut han målsnøret hårfint framom Bob McMillan frå USA og vart olympisk meister. Tida 3.45,2 var olympisk rekord. Det var andre gongen ein utøvar frå Luxembourg vann OL-gull. Fire år seinare deltok Barthel i OL 1956 i Melbourne, og rauk ut etter eit heller svakt løp i forsøka på 1500 meter.
Politikk Barthel leia det nasjonale friidrettsforbundet frå 1962, og var president i Luxembourgs olympiske komite 1973-77. Han var med i Luxembourgs regjering i tida 1977 til 1984, med ansvar for mellom anna samferdsle, energi og miljø.
Kjelder Denne artikkelen bygger på «Josy Barthel» frå , den 8. august 2015.
World Athletics
Kategori:Luxembourgske idrettsutøvarar Kategori:Mellomdistanseløparar Kategori:Olympiske meistrar for Luxembourg Kategori:Luxembourgske deltakarar under sommar-OL 1948 Kategori:Friidrettsutøvarar under sommar-OL 1948 Kategori:Medaljevinnarar under sommar-OL 1952 Kategori:Luxembourgske deltakarar under sommar-OL 1952 Kategori:Friidrettsutøvarar under sommar-OL 1952 Kategori:Luxembourgske deltakarar under sommar-OL 1956 Kategori:Friidrettsutøvarar under sommar-OL 1956