Rummanah (arabisk رمّانه) er ein palestinsk landsby som ligg 17 km nordvest for byen Jenin nord på Vestbreidda. I følgje Palestinsk statistisk sentralbyrå (PCBS) hadde byen eit folketal på 3 372 innbyggjarar i 2006.Projected Mid -Year Population for Jenin guvernement by Locality 2004- 2006 . Palestinsk statistisk sentralbyrå
Historie I 1596 stod Rumana oppført i osmanske skattelister som ein del av Sara nahiya i Lajjun liwa. Han hadde eit folketal på 12 hushaldningar, alle muslimar. Landsbybuarane betalte skatt for kveite, bygg, sommaravlingar, oliventre, tilfeldige inntekter, geiter og bikubar.Hütteroth and Abdulfattah, 1977, s. 159.
Den franske oppdagaren Victor Guérin vitja landsbyen i 1863, og skildra han som redusert til «tjue falleferdige bygningar». Han såg ikkje spor etter noko gammalt, utanom nokre få cisterner i klippene og ein fungerande brunn.Guérin, 1875, s. 228 ff
I 1882 i «Survey of Western Palestina» vart landsbyen (kalla Rummaneh) skildra som: Ein liten landsby i leire og stein, nær foten av åsane, med brunnar i vest og oliven nedanfør. Denne landsbyen verkar å marker staden Maximianopolis, ein by 20 romerske mil frå Cæsarea og 10 mil frå Jezreel (Zer'in), oldtidsnamnet på Maximianopolis var, i følgje Jerome, «Hadad Rimmon».Conder and Kitchner, 1882, vol 2, s. 45
I ei folketeljing i 1922 utført av Dei britiske mandatstyresmaktene hadde Rumaneh eit folketal på 548, alle muslimar, medan han i folketeljinga i 1931 hadde 151 busette hus og 644 innbyggjarar, framleis alle muslimar.1931 Det britiske mandatet Census. s. 70. I 1945 var folketalet i Rummana (inkludert Khirbat Salim) 880 medan det samla landarealet var 21 676 mål, i følgje ei offisiell landmåling.Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 55 Av dette var 2 876 mål for plantasjar og irrigert land, 10 507 for korn,Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 99 medan 27 mål var klassifisert som utbygde område.Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 149
Kjelder
Denne artikkelen bygger på «Rummanah» frå , den 25. september 2015. oppgav desse kjeldene:
Velde van de, Carel Willem Meredith (1854): Narrative of a journey through Syria and Palestina in 1851 and 1852, transl (1854) VOL I.
Bakgrunnsstoff Velkomen til Rummana
Kategori:Landsbyar på Vestbreidda