Dolphins viseklubb vart starta på initiativ av Ole Hauki 12. mars 1966.Aftenposten 12. mars 1966. Han kom frå USA og tok med seg ideen derfrå. Den første samlingsstaden var i Frisksportrestauranten i Grensen 18 i Oslo. Her var det plass til omtrent 70 personar og visekveldane var på laurdagar. Klubben vart så populær at det snart vart arrangement òg på onsdagar. I 1968 flytta klubben til Frimurerlosjen sine lokale der det var plass til 300. Aktiviteten ebba ut i 1970.
Dolphins vart starten på den norske visebølgja. Han vart altså ikkje starta i lugubre kjellarlokale med rødvin og stearinlys, men på ein råkostrestaurant med gulrotsaft.
Dei første som opptredde i Dolphins var gruppa The Sing Singers med Ole Hauki, Bjørn Tonhaugen, Karin Hvidsten og Ole Paus.Aftenposten 12. mars 1966. Andre aktive var Lillebjørn Nilsen, Kari Svendsen, Bjørn Morisse, Øystein Sunde, Lars Klevstrand, Hege Tunaal, Finn Kalvik, Jon Arne Corell, Steinar Ofsdal og grupper som Kinsfolk, Gruppe 4, Christiania Fusel & Blaagress og The Young Norwegians.
Kjelder Denne artikkelen bygger på «Viseklubben Dolphins» frå , den 7. februar 2016.
Litteratur Hakan Markussen: American Folk Music på Dolphins Club 1966 - 1970 (masteroppgåve i historie ved IAHK, Universitetet i Oslo 2009).
Kategori:Skipingar i 1966 Kategori:Kultur i Oslo Kategori:Norsk visesong Kategori:Norske musikklubbar