Qurayyat (òg skrive Al Qurayyat eller Gurayat, arabisk القريات) er ein by i Al Jawf-regionen nord i Saudi-Arabia. Han ligg 30 km frå grensa til Jordan. Qurayyat hadde 147 550 innbyggjarar i folketeljinga i 2010. Han er ein liten by med ein særs stor marknad. Qurayyat er kjend for oliven og salt.
Qurayyat har aleine 116 162 innbyggjarar, men med landsbyar kring byen er det samla folketalet opp under 150 000 innbyggjarar i følgje folketeljinga i 2010.
Byen har ein innanriksflyplass (IATA: URY, ICAO: OEGT) kring 10 km frå sentrum. Han vart driven av Saudia med ruter til Riyadh og Jidda.
Al-Hadithah lasteplass Al-Hadithah lasteplass er den største og viktigaste lasteplassen på land i kongedømet og Midtausten og ligg vest i provinsen Qurayyat med samband til landa Jordan, Syria, Libanon og Tyrkia, i tillegg til at hajj- og umrah-pilegrimar frå Tyrkia, Russland og Tsjetsjenia og andre land kjem inn i Saudi-Arabia her.
Vêr Klimatiløhva i provinsen Qurayyat er til ein viss grad påverka av Middelhavet. Det fell noko snø i fjellområda kring byen.
Byggverk Det står to høge, bardunerte radiomaster nær byen med høgder på 468 og 458 meter.
Turisme Dei viktigaste turistmåla i Al Qurayyat er Ka'af-borga. Ho ligg i landsbyen Ka'af og ligg i nærleiken av den arkeologiske staden Saidi-borga i nordvest.
Kjelder Denne artikkelen bygger på «Qurayyat, Saudi Arabia» frå , den 14. mars 2016. oppgav desse kjeldene:
Kategori:Busetnader i Al Jawf-provinsen