«Nutbush City Limits» er ein delvis sjølvbiografisk song skriven og framført av Tina Turner der ho minnast landsbygda i heimstaden Nutbush i Tennessee. Songen kom ut i juni 1973, kort tid før ho skilde seg frå den dåverande ektemannen og musikalske partneren Ike Turner. «Nutbush City Limits» var den siste store hitsingelen duoen produserte før dei gav seg. I seinare år har «Nutbush City Limits» blitt spelt inn av mange andre artistar, som Bob Seger and The Silver Bullet Band. Tina Turner sjølv har spelt inn fleire nyare versjonar av songen.
mini|venstre|Butikk i Nutbush i Tennessee, «Birthplace of Tina Turner».
Originalversjonen frå 1973 Den første innspelinga av «Nutbush City Limits» vart produsert av Ike Turner i hans Bolic Sound Studio i Inglewood i California i mai 1973 og gjeven ut som singel månaden etter som Ike & Tina Turner. Sjølv om Ike skreiv musikken, førte han ikkje opp namnet sitt ved sidan av Tina, som skreiv teksten. Denne versjonen er prega av nyskapande gitarlydar, ein synthesizersolo og ei funky blåserekkje.
Songen kom sidan ut på albumet med same namn, i november 1973, og vart den siste store hitten til duoen då han nådde 11. plassen på Billboard Hot Soul Singles, 22. plassen på Billboard Hot 100 og fjerdeplassen på UK Singles Chart. Då duoen gav seg, vart songen fast i konsertane til Tina Turner.
Det gjekk lenge rykte om at Marc Bolan, frontmannen i glamrockbandet T. Rex, spelte gitar på songen. Dette vart stadfesta av Gloria Jones, som då var kjærasten hans og som sjølv song korvokal for Ike & Tina Turner i 1960-åra. Men i 2008 skreiv magasinet Ebony, i samband med dødsfallet til Ike Turner, at det var James «Bino» Lewis, som då spelte i bandet til Ike & Tina, Kings of Rhythm, som spelte gitar.
Konsertversjon frå 1988
Eit konsertopptak av «Nutbush City Limits» frå Break Every Rule-turneen til Tina Turner i 1986-1897 vart gjeven ut som den første singelen frå konsertalbumet Tina Live in Europe, men det var ei anna innspeling enn den versjonen som var med på konsertalbumet. Dette var den første singelen til Tina Turner som vart gjeven ut på CD-singel, som då var eit nytt format.
Både CD-singelen og 12"-singelen inneheldt ein nesten 11 minuttar lang utgåve av ZZ Top-songen «Legs» frå albumet deira Eliminator frå 1983, som ikkje var med på albumet Tina Live in Europe.
Remixar i 1991 Turner spelte inn «Nutbush City Limits» i ein moderne dance-stil kalla «The 90s Version» for samlealbumet hennar Simply the Best i 1991. Singelen nådde 23. plassen på UK Singles Chart og nådde Topp 20 i fleire andre europeiske land. Ei anna utgåve, kalla «Nutbush City Limits ('91)», kom ut i lag med «The 90s Version».
«Nutbush City Limits (The 90s Version)» – 3:43 «Nutbush City Limits ('91)» – 4:16 «Nutbush City Limits (Nutbush City '91)» – 6:00 «A Little Bit o' Bush» – 5:01
Nyinnspeling i 1993 I 1993 spelte Turner inn songen på nytt for filmen What's Love Got to Do with It.
Lister Vekeslister Liste (1973) PlasseringTyskland (Offizielle Deutsche Charts) 2Italia (Hit Parade Italia) 5US Hot R&B/Hip-Hop Songs (Billboard) 11 Liste (1978) Plassering Liste (1988) PlasseringTyskland (Offizielle Deutsche Charts) 45 Liste (1991) PlasseringEuropa (Europaan Hot 100 Singles) 31Tyskland (Offizielle Deutsche Charts) 25Italia (Hit Parade Italia) 11Nederland (Dutch Top 40) 11
Årslister Liste (1973) PlasseringUK Singles (Official Charts Company) 34 Liste (1974) PlasseringAustria (Ö3 Austria Top 40) 8Tyskland (Offizielle Deutsche Charts) 21Swiss Albums (Schweizer Hitparade) 10Italia (Hit Parade Italia) 31 Liste (1978) PlasseringNederland (Dutch Top 40) 80 Liste (1991) PlasseringAustralia (ARIA) 86Belgium (Ultratop 50 Flanders) 99Italia (Hit Parade Italia) 58Nederland (Single Top 100) 95
Andre versjonar Bob Seger and The Silver Bullet Band spelte «Nutbush City Limits» i 1975 for albumet Beautiful Loser. Han vart mykje spelt på konsertane deira, og ein versjon finst på Live Bullet. Live Bullet-versjonen vart gjeven ut som singel og vart ein hit i Detroit-området. I 1980 spelte Brian Johnson «Nutbush City Limits» og «Whole Lotta Rosie» som ein del av den første prøvespelinga si for bandet AC/DC. Alvin Lee og Steve Gould spelte ein versjon av «Nutbush City Limits» i 1981 på albumet RX5. Precious Wilson og La Mama spelte inn songen i 1983 på albumet Funky Fingers. Sam Brown song songen på den europeiske utgåva av debutalbumet sitt Stop! i 1988. Ei utgåve av Bloodloss kom ut i 1988 på albumet Human Skin Suit og som B-side til singelen «School's Out» av King Snake Roost frå 1989. Den tyske electronica-gruppa Boom Operators, fronta av Harald Blüchel, spelte «Nutbush City Limits» på albumet Hu-Man i 1991. Martin Barre, gitarist for Jethro Tull, spelte inn ein versjon av songen i 1992 for det første soloalbumet sitt, A Summer Band. NWOBHM-artisten Girl spelte inn ein versjon som vart gjeve ut posthumt på det tredje albumet Killing Time i 1997. I 2005 vart songen spelt inn av Nashville Pussy på albumet Get Some!. Pearl Aday song «Nutbush City Limits» som ein del av oppvarminga for faren Meat Loaf sin Casa De Carne-turné i 2008. Black Diamond Heavies spelte songen i 2009 på albumet A Touch of Someone Else's Class. Den australske countrysongaren Nicki Gillis song songen i 2011 på albumet Woman of Substance. I 2013 framførte Naya Rivera songen som rollefiguren Santana Lopez i den fjerde sesongen av Glee. I 2013 spelte Beth Hart og Joe Bonamassa songen på albumet Seesaw av Beth Hart og Joe Bonamassa. Den tyske heavy metal-songaren Doro song songen i 2014 på albumet Powerful Passionate Favorites.
Kjelder
Denne artikkelen bygger på «Nutbush City Limits» frå , den 26. mars 2016. oppgav desse kjeldene:
Bakgrunnsstoff «Nutbush City Limits» på Discogs
Kategori:Singlar frå 1973 Kategori:Singlar frå 1988 Kategori:Singlar frå 1991 Kategori:Ike & Tina Turner-songar Kategori:Tina Turner-songar Kategori:Songar frå 1973 Kategori:United Artists Records-singlar Kategori:Bob Seger-songar Kategori:Sam Brown-songar Kategori:Beth Hart-songar Kategori:Ferrante & Teicher-songar