Asbjørn Lindboe () var ein norsk jurist og embetsmann frå Trondheim. Han var justisminister 1931-33 og fylkesmann i Nord-Trøndelag. Jacob Lindboe var far hans.
Liv og gjerning Lindboe vart cand.jur. i 1914 og var sorenskrivarfullmektig i Nordfjord 1914–15, fullmektig hos byfuten i Trondheim 1915–19 og overrettsakførar same stad 1919–31, som høgsterettsadvokat frå 1925.
Valperioden 1923-25 representerte han Frisinnede Venstre i bystyret i Trondheim. Han var medlem i landsstyret i Bondepartiet frå 1938 og medlem av styret i Norges Grønlandslag frå det vart skipa i 1931.
Frå 1931 til -33 var han justisminister i bondeparti-regjeringane leia av Peder Kolstad og deretter Jens Hundseid. Frå 1933 var han sorenskrivar i Inderøy, ei stilling han hadde fram til han vart avsett av okkupasjonsstyresmaktene i 1943. I november 1945 vart han utnemnd til fylkesmann i Nord-Trøndelag, eit embete han hadde frå 1946 til han gjekk av for aldersgrensa i 1959. Han flytta då til Bærum, der han døydde.
Lindboe gav i 1944 ut boka Privat rettergang.
Kjelder Norsk Allkunnebok. VIII. bandet. 1957
Kategori:Norske justisministrar Kategori:Statsrådar i Regjeringa Kolstad Kategori:Statsrådar i Regjeringa Hundseid Kategori:St. Olavs Orden Kategori:Norske juristar Kategori:Norske sorenskrivarar Kategori:Fylkesmenn i Nord-Trøndelag Kategori:Folk frå Trondheim