«Never Can Say Goodbye» er ein song skriven av Clifton Davis og opphavleg spelt inn av The Jackson 5. Songen vart opphavleg skriven med tanke på The Supremes, men Motown meinte at songen høvde betre for Jackson 5. Han vart gjeven ut på singel i 1971 og vart ein av dei mest suksessrike songane til bandet. Songen har blitt spelt inn mange gonger, mellom anna i 1974 av discodivaen Gloria Gaynor og i 1987 av den britiske popgruppa The Communards.

The Jackson 5 Innspelinga består av ein 12 år gammal Michael Jackson som syng ein seriøs song om kjærleik, akkompagnert av brørne sine. Sjølv om ei slik innspeling var uvanleg for ei tenåringsgruppe, låg «Never Can Say Goodbye» tre veker på andreplassen på Billboard Pop Singles-lista, bak Three Dog Night sin «Joy to the World» (8.-22. mai 1971). Songen gjekk til topps på Billboard Black Singles-lista i USA. I Storbritannia nådde singelen 33. plassen på UK Singles Chart. Ein alternativ versjon (live-opptak frå Flip Wilson Show frå 1971 med eit ekstra parti) vart gjeven ut på Jackson 5-plata I Want You Back! Unreleased Masters i 2009. Songen vart framført på Flip Wilson Show (4. november 1971), The Jackson 5 Show (5. november 1972), TUPI (1974), One More Time (10. januar 1974), Johnny Carson Show (4. april 1974), Cher Show (16. mars 1975) og The Jacksons TV Series (7. juli 1976).

Lister

Vekeslister Liste (1971)PlasseringUS Billboard Hot 1002US Cash Box Top 1001Canada14UK33

Årslister Liste (1971)PlasseringUS Billboard Hot 10040US Cash Box11

Gloria Gaynor-versjonen

Ein annan suksessrik versjon vart spelt inn som ein discolåt av Gloria Gaynor i 1974. Denne versjonen nådde niandeplassen på den amerikanske poplista og 34. plassen på Soul Singles-lista. Gloria Gaynor-versjonen vart ei av dei definerande innspelingane i disco-perioden. Versjonen hennar nådde andreplassen på singellista i Storbritannia og tredjeplassen i Canada, og gjorde det betre enn Jackson 5-versjonen i dei landa.

Gaynor-versjonen vart gjeven ut på MGM og var produsert av Disco Corporation of America, eit produksjonsselskap som vart skipa av Meco Monardo og Tony Bongiovi. Med på produksjonen var òg Jay Ellis og Harold Wheeler.

Gaynor er kanskje mest kjend for hitten «I Will Survive» men Gaynor-versjonen av «Never Can Say Goodbye» var songen som låg på toppen på den aller første Dance/Disco-lista som vart trykt i Billboard. Never Can Say Goodbye var òg tittelen på debutalbumet til Gaynor, der singelen vart henta frå.

Gaynor-versjonen av songen er nytta i videospelet Just Dance 2015.

Lister

Vekeslister Liste (1974–75) PlasseringCanada3UK2AUS1U.S. Billboard Hot 1009U.S. Billboard Adult Contemporaryhttp://www.billboard.com/charts/adult-contemporary/1975-01-0411U.S. Billboard Dance/Disco 1U.S. Cash Box Top 1008

Årslister Liste (1975) PlasseringCanada50U.S. Billboard Hot 10071U.S. Cash Boxhttp://50.6.195.142/archives/70s_files/1977YESP.html79UK38

The Communards-versjonen

I 1987 hadde det britiske bandet The Communards ein hit med ein Hi-NRG-versjon av songen, frå det andre albumet deira Red.

Versjonen deira nådde fjerdeplassen på UK Singles Chart, 51. plassen på den amerikanske Billboard Hot 100, og andreplassen på Billboard Hot Dance/Disco-lista i USA. Gruppa hadde nådd toppen av desse listene i 1986 med ein versjon av ein annan 70-talsklassikar, «Don't Leave Me This Way».

The Communards-versjonen vart nytta i episoden «Father's Day» av Doctor Who, som var sett til 1987. Han vart òg nytta i den siste episoden av Whites, med eit dansenummer av Stephen Wight og i nyare tid som kjenningsmelodi til den britiske komiserien Vicious.

Musikkvideoen for songen vart regissert av Andy Morahan.

Andre versjonar Songen er blitt spelt av mange andre artistar, som Isaac Hayes, Grant Green, Andy Williams, Junior Walker, The Supremes (i 1971), Smokey Robinson (i 1973), Cal Tjader, David T. Walker, The Sandpipers, Rahsaan Roland Kirk, Johnny «Hammond» Smith, Herbie Mann, Yazz, Sheena Easton, Gerald Albright, Sonny & Cher, David Benoit, Westlife, The Impact of Brass og Matchstik «The Mj Tribute».

Isaac Hayes spelte først inn songen i 1971 for albumet Black Moses. Han gav songen ut på singel og versjonen hans nådde femteplassen på Billboard R&B-lista, 19. plassen på Easy Listening-lista og 22. plassen på Hot 100. Hayes spelte inn at songen for filmmusikken til Soul Men i 2008, der han spelar i lag med Samuel L. Jackson og Bernie Mac. Filmprodusentane dediserte 2008-versjonen til både Mac og Hayes, sidan begge døydde før prosjektet var ferdig.

Vanessa Williams spelte songen i 2005 for albumet Everlasting Love. George Benson spelar på versjonen hans.

I 2008 spelte pianist David Benoit ein versjon for albumet Heroes og saksofonisten Gerald Albright på albumet Sax for Stax.

Dianna Agron spelte songen i 2012 i TV-serien Glee.

Medverkande

The Jackson 5

Solovokal: Michael Jackson Korvokal: Jackie Jackson, Tito Jackson, Jermaine Jackson og Marlon Jackson Produsert av Hal Davis Instrumentat av forskjellige studiomusikarar i Los Angeles

Gloria Gaynor

Solovokal: Gloria Gaynor Produsert av Disco Corporation of America (Meco Monardo, Tony Bongiovi, Jay Ellis; arrangør: Harold Wheeler)

Kjelder

Denne artikkelen bygger på «Never Can Say Goodbye» frå , den 17. august 2016. oppgav desse kjeldene:

Bakgrunnsstoff

Kategori:Songar frå 1971 Kategori:Singlar frå 1971 Kategori:Singlar frå 1974 Kategori:Singlar frå 1987 Kategori:Songar skrivne av Clifton Davis Kategori:The Jackson 5-songar Kategori:Motown-singlar Kategori:London Records-singlar Kategori:MCA Records-singlar Kategori:Metronome Records-singlar Kategori:MGM Records-singlar Kategori:Isaac Hayes-songar Kategori:Gloria Gaynor-songar Kategori:The Communards-songar Kategori:Andy Williams-songar Kategori:The Supremes-songar Kategori:Junior Walker-songar Kategori:Smokey Robinson-songar Kategori:Musikkvideoar regisserte av Andy Morahan Kategori:Songar produserte av Tony Bongiovi Kategori:Songar produserte av Stephen Hague Kategori:Disco-songar Kategori:Yazz-songar Kategori:Herbie Mann-songar Kategori:Sonny & Cher-songar Kategori:Westlife-songar