Use Me er eit studioalbum av Isaac Hayes frå 1975, gjeve ut av Stax Records. I 1974 vart Hayes frigjeve frå plate- og produksjonskontrakten han hadde med Stax, og gav ut albumet Chocolate Chip i 1975 på det nyoppretta selskapet Hot Buttered Soul, som han eigde sjølv, gjennom ABC Records. Samstundes valde hovudkvarteret i Stax å gje ut ei samling skrinlagde og stort sett ikkje tidlegare utgjevne songar, truleg spelt inn tidleg i 1970-åra, kort tid før dei vart tvungen til å slå seg konkurs.
Eit konsertopptak av tittelsporet skriven av Bill Withers var alt gjeve ut på konsertalbumet Live at the Sahara Tahoe i 1972. «Good Love 6-9969» var gjeve ut på Black Moses i 1971 og igjen som singel i 1975. «The Ten Commandments of Love» er ein versjon av ein doo-wop-song av The Moonglows frå 1957, medan den 13 minuttar lange versjonen av «Feel Like Makin' Love» vart gjort kjend av Roberta Flack.
I 1978 tok Fantasy Records, som hadde kjøpt ut Stax, fire av dei fem songane frå dette albumet, og erstatta «Good Love 6-9969» med ein tidlegare uutgjeven instrumental kalla «Hobosac and Me» og gav albumet ut som Hotbed. Medan Use Me er sjeldan å sjå i offisielle diskografiar av Isaac Hayes, er Hotbed som regel til stades. Songane på Hotbed har blitt noko remiksa, men det er ingen store skilnader mellom desse to.
Innhald
Medverkande Isaac Hayes - vokal, klaverinstrument Lester Snell - klaverinstrument Sammy Watts, Charles Pitts - gitar Sidney Kirk - klaverinstrument Errol Thomas, William Murphy - bass Jimmy Lee Thompson - congatrommer Willie Cole, Gary Jones - perkusjon Memphis Horns and String
Samplingar
«Use Me»«Use Me» på whosampled.com «When I See You Smile» (Deadly Avenger Remix) av Aldo Vanucci (2007) «I'm Gonna Have to Tell Her»«I'm Gonna Have to Tell Her» på whosampled.com «Mirror Sky» av Salute Da Kidd (2015) «The Ten Commandments of Love»«The Ten Commandments of Love» på whosampled.com «You Wanna» av 9th Wonder med N.B.S. (2007) «Feel Like Makin' Love»«Feel Like Makin' Love» på whosampled.com «Sto Già Pensando a Te» av Fritz Da Cat, Left Side og Sab Sista (1998) «Intro» av Spax (1998)
Kjelder http://stereocandies.blogspot.no/2011/10/issac-hayes-use-me-1975.html
Kategori:Musikkalbum frå 1975 Kategori:Isaac Hayes-album Kategori:Stax Records-album