Asker prestegard (Røren, tidl. Røyrvin) ligg like nordaust for for Asker kyrkjegard. Adressen er Kirkeveien 125, og prestegarden er gard nr. 1 i Asker.Miljødirektoratet: Naturbase
Det har vore gård på staden sidan førkristen tid, og det er eller har vore fleire gravhaugar på garden sin grunn. Garden var busatt av prestar allereie i mellomalderen. Fem bygningar er freda: våningshus, drengstove (seinare forpaktarbustad), stabbur, driftsbygning og lysthus.Allstad. Framstillinga er basert på deira oppslag. Våningshuset vart truleg oppført under sogneprest Jacob Neumann i 1805–07. Det er eit laftebygg i to etasjar med ståande panel utvendig. Neumann fikk òg anlagt hage med lysthus, og han stifta i 1808 Selskapet for Asker prestegjelds vel for å fremje jordbruk, hagebruk og husflid i ei vanskeleg tid prega av Napoleonskrigane. Forpaktarbustaden vart oppført på 1800-talet. Prestegarden vart sett i stand i 1954, 1980 og 1995.
Asker kyrkje er prostikyrkje. Prestegarden har på 2000-tallet vore bustad for prosten, men då buplikta vart avvikla i 2015, valde prosten, Berit Øksnes Gjerløw, å flytte ut av prestegarden, mellom anna på grunn av høg fordelsskattlegging.Aftenposten 18. november 2015Asker og Bærums budstikke, 3. november 2015
Asker husflidslag,Lokalhistoriewiki som er ei av fleire foreiningar som har vidareført verksemda i Asker prestegjelds vel, leiger i dag forpaktarbustaden.Til kursverksemd
Kjelder
Asker prestegård hos Allstad Asker prestegård i Lokalhistoriewiki
Bakgrunnsstoff
Kategori:Prestegardar i Noreg Kategori:Kulturminne i Asker